ՖՐԱՆՍԻԱԿԱՆ «ՊՐՈՊԱՐԿՈ» ԶԱՐԳԱՑՄԱՆ ՖԻՆԱՆՍԱԿԱՆ ԿԱՌՈՒՅՑԸ «ԱՄԵՐԻԱԲԱՆԿԻՆ» 15 ՄԼՆ ԴՈԼԱՐ Է ՏՐԱՄԱԴՐԵԼ Ֆրանսիական «Պրոպարկո» զարգացման ֆինանսական գործակալությունը (Investment and Promotion Company for Economic Cooperation) եւ «Ամերիաբանկ» ՓԲԸ-ն ստորագրեցին պայմանագիր` 15 մլն ԱՄՆ դոլարի չափով «Ամերիաբանկին» վարկ տրամադրելու մասին: «Պրոպարկոյի» կողմից սա առաջին ֆինանսական ներդրումն է Հայաստանում եւ երկրորդը` Անդրկովկասի ամբողջ տարածաշրջանում: «Պրոպարկոյի» կողմից պայմանագիրը ստորագրեց ներդրումների գծով փոխտնօրեն Ժերոմ Բերտրան-Հարդին, իսկ հայկական կողմից` «Ամերիաբանկի» տնօրենության նախագահ-գլխավոր տնօրեն Արտակ Հանեսյանը: Պայմանագրի ստորագրման հանդիսավոր արարողությանը ներկա էր Հայաստանում Ֆրանսիայի արտակարգ եւ լիազոր դեսպան պրն Անրի Ռենոն: Վարկն ուղղվելու է Հայաստանի Հանրապետությունում գյուղատնտեսության ոլորտի եւ սննդի վերամշակման փոքր եւ միջին ձեռնարկությունների ֆինանսավորմանը: | 
