ԵՐԵՎԱՆՈՒՄ ԲԱՑՎԵՑ ԳԵՂԱՆԿԱՐԻՉ ՎԱՀԵ ԹԵՎՈՍՅԱՆԻ ԱՆՀԱՏԱԿԱՆ ՑՈՒՑԱՀԱՆԴԵՍԸ

RSS | FACEBOOK | NLA

#163, 2013-09-27 > #164, 2013-09-28 > #165, 2013-10-01 > #166, 2013-10-02 > #167, 2013-10-03

«ԱԶԳ» ՕՐԱԹԵՐԹ #165, 01-10-2013

Տեղադրվել է` 2013-09-30 23:12:35 (GMT +04:00)

Ընթերցված է` 825, Տպվել է` 22, Ուղարկվել է էլ.փոստով` 13

ԵՐԵՎԱՆՈՒՄ ԲԱՑՎԵՑ ԳԵՂԱՆԿԱՐԻՉ ՎԱՀԵ ԹԵՎՈՍՅԱՆԻ ԱՆՀԱՏԱԿԱՆ ՑՈՒՑԱՀԱՆԴԵՍԸ

ՎԱՐԴՈՒՀԻ ՉԻԼԻՆԳԱՐՅԱՆ

Երեւանի Գեղարվեստի պետական ակադեմիայի «Ալբերտ եւ Թովէ Բոյաջյան» ցուցասրահում սեպտեմբերի 30-ին բացվեց գեղանկարիչ Վահե Թեւոսյանի անհատական ցուցահանդեսըՙ «Բու» խորագրով: Ցուցահանդեսին ցուցադրվում է 50 ստեղծագործություն, որոնք արտացոլում են երիտասարդ նկարչի նորարար մոտեցումները, նոր գաղափարների ոգեշնչումն ու քարոզչությունը:

Վահե Թեւոսյանը սկսել է ցուցադրվել դեռեւս 2005 թ.-ից: Սա Վահեի թվով չորրորդ անհատական ցուցահանդեսն է: Նա սովորել է Հ.Կոջոյանի անվան կրթահամալիրում, ինչը ավելի է խթանել Վահեի սերն ու ձգտումը դեպի կեպարվեստը:

2005 թ.-ին Վահեն ընդունվում է Փ.Թերլեմեզյանի անվան գեղարվեստի պետական քոլեջՙ ուսանելով գեղանկարչության բաժնումՙ գեղանկարիչ պրոֆ. Հրայր Գրիգորյանի արվեստանոցում: Թերլեմեզյանում ուսանած տարիները մեծապես նպաստում են նրա մեջ գեղարվեստական մտքի ու ճաշակի զարգացմանը: Շարունակելով հաստատուն քայլերը դեպի իր ընտրած մասնագիտությունըՙ Վահեն 2011 թ.-ին ընդունվում է Երեւանի Գեղարվեստի պետական ակադեմիայի գեղանկարչության բաժինըՙ ուսանելով գեղանկարիչ Էդուարդ Վարդանյանի արվեստանոցում:

Տարիների պրպտումների արդյունքում Վահեն ձեւավորում է իր ուրույն ձեռագիրըՙ գեղարվեստական արտահայտչամիջոցների, կոմպոզիցիոն մտահղացման ու ձեւերի դեկորատիվ մեկնաբանման իր մոտեցմամբ: Իր առջեւ դրված խնդիրները լուծելիս նա փորձում է դրանք արտահայտել ոչ միայն բովանդակության, այլեւ նկարելու ձեւի շեշտադրման ուրույնՙ գունատոնային ու լուսաստվերային ներդաշնակման շնորհիվ: Նկարիչ-պրոֆեսոր Հրայր Գրիգորյանի դիպուկ բնորոշմամբ «Վահե Թեւոսյան գեղանկարիչը իր էությամբ Արարիչի կողմից ծնված գեղանկարիչ ստեղծագործ է. վառ գունային աշխարհի ինքնատիպ նկարիչ, սովորական կապանքներից դուրս, իր մտածելակերպի գեղանկարիչ»:

Շարունակ աշխատելով ու ստեղծագործելովՙ Վահեն արդեն իսկ հարյուրավոր կտավներ է հեղինակել: Նրա կտավները ցուցադրվել են թե՛ Հայաստանի, եւ թե՛ արտերկրի ամենատարբեր ցուցասրահներումՙ հանդիսատեսին ներկայացնելով կերպարվեստում իր նոր գաղափարներն ու լուծումները:

Արվեստաբան Մարինա Ստեփանյանի գնահատմամբ. «Վահե Թեւոսյան. նկարիչ, ում գեղարվեստական կամքն իրեն օգնում է գեղանկարչության լեզվով վերարտադրել այսօրվա իրականության ճնշումը, կոպիտ, անկանխատեսելի, երբեմն հասարակության բարոյական հիմքերին հակասող իրականությունը»:

Ցուցահանդեսի բացման արարողությունը տեղի ունեցավ երեկ, «Ալբերտ եւ Թովէ Բոյաջյան» ցուցասրահում: Ցուցահանդեսը կտեւի մինչեւ հոկտեմբերի 6-ը: Մուտքն ազատ է:

«ԱԶԳ» ՕՐԱԹԵՐԹ #165, 01-10-2013
2013-10-01	ԿԱՐԵՎՈՐ Է ԿՈՄՊԼԵՔՍԱՅՆՈՐԵՆ ՕԳՏԱԳՈՐԾԵԼ ՏՐԱՆՍՊՈՐՏԱՅԻՆ ՀԱՂՈՐԴԱԿՑՈՒԹՅՈՒՆՆԵՐԻ ԲՈԼՈՐ ՏԵՍԱԿՆԵՐԸ
2013-10-01	ՀԱՅԱՍՏԱՆ-ԱԴՐԲԵՋԱՆ ՆԱԽԱԳԱՀՆԵՐԻ ՀԱՆԴԻՊՈՒՄ Է ՆԱԽԱՊԱՏՐԱՍՏՎՈՒՄ
2013-10-01	ՀԱՄԱՆԵՐՄԱՆ ԱՌԱՋԱՐԿՈՒԹՅՈՒՆԸ` ԱԶԳԱՅԻՆ ԺՈՂՈՎՈՒՄ
2013-10-01	ԱՌԱՆՑ ՄԵԿՆԱԲԱՆՈՒԹՅԱՆ
2013-10-01	ԲՅՈՒՋԵ 2014-Ը ԱՅՆՊԻՍԻՆ ՉԷՐ, ԻՆՉՊԻՍԻՆ ՆԱԽԱՏԵՍՎՈՒՄ ԷՐ
2013-10-01	ՔԵՐՐԻՆ ՉԻ ԲԱՑԱՌՈՒՄ ՀԱԿԱԻՐԱՆԱԿԱՆ ՊԱՏԺԱՄԻՋՈՑՆԵՐԻ ՎԵՐԱՑՈՒՄԸ
2013-10-01	ԲԱՇԱՐ ԱՍԱԴԸ ԿԵՆԹԱՐԿՎԻ ՄԱԿ-Ի ԱԽ-Ի ԲԱՆԱՁԵՎԻՆ
2013-10-01	ՀԱՊԿ-Ը ՂԱՐԱԲԱՂԻ ՀԵՏ ԳՈՐԾ ՉՈՒՆԻ. ՆՐԱ ԴՐՈՒՅԹՆԵՐԸ ՏԱՐԱԾՎՈՒՄ ԵՆ ՄԻԱՅՆ ՀԱՅԱՍՏԱՆԻ ՎՐԱ
2013-10-01	ԱԶԳԱՅԻՆ ԺՈՂՈՎԸ ԳԼԽԱՎՈՐ ԴԱՏԱԽԱԶ Է ԸՆՏՐՈՒՄ
2013-10-01	ՀԱՆԴԻՊՈՒՄ ԱԶԳԱՅԻՆ ԺՈՂՈՎՈՒՄ
2013-10-01	«ԱՐՏԱԳԱՂԹԻ ՀՈԳԵԲԱՆՈՒԹՅՈՒՆԸ»ՙ ԳԻՏԱԺՈՂՈՎ ԵՐԵՎԱՆՈՒՄ
2013-10-01	ԱՄՆ-ՈՒՄ ԲԱՑԱՀԱՅՏՎԵԼ Է ՀԱՐԿԱՅԻՆ ԵՎ ԲԱՆԿԱՅԻՆ ԽԱՐԴԱԽՈՒԹՅՈՒՆՆԵՐԻ ՀԱՄԱԿԱՐԳ
2013-10-01	ՆՎԻՐԱՏՎՈՒԹՅՈՒՆ ԳՐԱԴԱՐԱՆԻՆ
2013-10-01	ԲՐԻՏԱՆԱԿԱՆ ՆԵՐԿԱՅԱՑՈՒՄ ՀԱՅՖԵՍՏՈՒՄ
2013-10-01	ԵՐԵՎԱՆՈՒՄ ԲԱՑՎԵՑ ԳԵՂԱՆԿԱՐԻՉ ՎԱՀԵ ԹԵՎՈՍՅԱՆԻ ԱՆՀԱՏԱԿԱՆ ՑՈՒՑԱՀԱՆԴԵՍԸ
2013-10-01	ԿԱՅԱՑԱՆ «ԿԱՐԻՆԻ» ԵԼՈՒՅԹՆԵՐԸ ՀՈԼԱՆԴԻԱՅՈՒՄ
2013-10-01	ՆԿԱՐԻՉ ԳՈՒՐԳԵՆ ՄԱՆՈՒԿՅԱՆԻ ՑՈՒՑԱՀԱՆԴԵՍԸ ALMA-ՈՒՄ
2013-10-01	ՀԱՅԿ ՀԱԿՈԲՅԱՆԸ ԵՎՐՈՊԱՅԻ ՓՈԽՉԵՄՊԻՈՆ
2013-10-01	ԱՌԱՋԻՆ ՀԱՋՈՂՈՒԹՅՈՒՆԸ ԿԱՆԱՆՑ ՍԻՐՈՂԱԿԱՆ ԲՌՆՑՔԱՄԱՐՏՈՒՄ
2013-10-01	ՀԱՂԹԵՑԻՆ ՎՐԱՑԻՆԵՐԻՆ
2013-10-01	ՀԱՅ ՇԱԽՄԱՏԻՍՏՆԵՐԻՑ 17-Ը ՀԱՂԹԱՆԱԿՈՎ ՄԵԿՆԱՐԿԵՑԻՆ
2013-10-01	«ԱՐԱՐԱՏՆ» ԱՌԱՋԻՆ ՇՐՋԱՆԻ ՀԱՂԹՈՂ
2013-10-01	ՄՈՎՍԻՍՅԱՆԻ ԳՈԼՆ ԷԼ ՉՓՐԿԵՑ «ՍՊԱՐՏԱԿԻՆ»
2013-10-01	ԴԱՆԻԵԼՅԱՆԸ ԶԲԱՂԵՑՐԵՑ 9-ՐԴ ՏԵՂԸ



	ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

	ԱԶԴԱԳԻՐ