ԱՊՊԱ ՈԼՈՐՏՈՒՄ ՓՈՓՈԽՈՒԹՅՈՒՆՆԵՐ Ա. Մ. Ինչպես տեղեկացանք Հայաստանի ավոտապահովագրողների բյուրոյից, Հայաստանի Հանրապետության կենտրոնական բանկի կողմից 2013-ի հոկտեմբերի 29-ին գրանցվել են բյուրոյի խորհրդի կողմից հաստատված «ԱՊՊԱ ոլորտում ապահովագրական պատահարի հետեւանքով տուժողի առողջությանը պատճառված վնասների գծով բժշկի ցուցումով բուժման շարունակականության (ամբուլատոր-ռեաբիլիտացիոն բուժման) ապահովմանն ուղղված միջոցառումների հետ կապված եւ այլ ծախսերի հատուցման ենթակա սահմանաչափերը եւ այդ ծախսերի անհրաժեշտության, հիմնավորվածության եւ փաստացի ապացուցվածության չափանիշների» կանոնների փոփոխությունները եւ լրացումները: Համաձայն դրանց, կոտրվածքները բաժանվել են երկու խմբիՙ 1. ողնաշարի, ազդրոսկրի, մեծ ոլոքի կոտրվածքներ, կոնքազդրային հոդի եւ ծնկահոդի ներհոդային կոտրվածքներ (ամբուլատոր-ռեաբիլիտացիոն բուժման առավելագույն ժամկետըՙ 6 ամիս), 2. այլ կոտրվածքներ (ամբուլատոր-ռեաբիլիտացիոն բուժման առավելագույն ժամկետըՙ 4 ամիս): Ավելացվել է այրվածքների խումբըՙ այրվածքներ առանց սպիացման եւ ֆունկցիայի խանգարման (ամբուլատոր-ռեաբիլիտացիոն բուժման առավելագույն ժամկետըՙ 2 ամիս) եւ այլ այրվածքներ (ամբուլատոր-ռեաբիլիտացիոն բուժման առավելագույն ժամկետըՙ 12 ամիս): Տեղեկացվում է, որ կանոններում կատարված փոփոխությունները եւ լրացումներն ուժի մեջ են մտնելու 2013-ի նոյեմբերի 11-ին: | 
