ՄՈՎՍԻՍՅԱՆԻ ԳՈԼԸ ՉՓՐԿԵՑ «ՍՊԱՐՏԱԿԻՆ» ՌԴ առաջնության 15-րդ տուրում Մոսկվայի «Սպարտակը» 1-3 հաշվով պարտվեց «Լոկոմոտիվին»: Վնասվածքից ապաքինված Յուրա Մովսիսյանը թիմի մեկնարկային կազմում էր ու դարձավ «Սպարտակի» խփած միակ գոլի հեղինակը: Դա հայ հարձակվողի 9-րդ գոլն էր ընթացիկ առաջնությունում: Լավագույն ռմբարկուների ցուցակում Մովսիսյանը զիջում է միայն 10-ական գնդակ խփած Արտյոմ Ձյուբային («Ռոստով») եւ Դանիին («Զենիթ»): Մովսիսյանը փոխարինվեց 70-րդ րոպեին, իսկ Արաս Օզբիլիսը խաղադաշտ մտավ ընդմիջումից անմիջապես հետո: ՌԴ ֆուտբոլի առաջնությունը հատեց «հասարակածը»: «Սպարտակը» 30 միավորով 3-րդ տեղում է: Աղյուսակը 36 միավորով գլխավորում է «Զենիթը», 2-րդ տեղում ընթացող «Լոկոմոտիվն» ունի 33 միավոր: | 
