Տեղադրվել է` 2013-11-27 23:46:35 (GMT +04:00)

Ընթերցված է` 1125, Տպվել է` 30, Ուղարկվել է էլ.փոստով` 16

ՈՐՈՏԱՆ ՀԷԿԻ ՀԱՄԱԼԻՐԸ ՎԱՃԱՌՎԵՑ ԱՄԵՐԻԿՅԱՆ «ԿՈՆՏՈՒՐ ԳԼՈԲԱԼ» ԸՆԿԵՐՈՒԹՅԱՆԸ

Ա. Մ.

Հանրային ծառայությունները կարգավորող հանձնաժողովը երեկ տեղի ունեցած արտահերթ նիստի ժամանակ որոշեց «Որոտանի հիդրոէլեկտրակայանների համալիրի» գույքը վաճառել «Կոնտուր գլոբալ հիդրոկասկադ» ընկերությանը:

Հիշեցնենք, որ վերջերս, հայ-ամերիկյան միջկառավարական հանձնաժողովի աշխատանքային խմբի նիստից հետո, հաղորդագրություն տարածվեց, որ ամերիկյան «Կոնտուր գլոբալ» ընկերությունը 180 մլն դոլարի ներդրում կկատարի Հայաստանի հիդրոէներգետիկայի ոլորտում եւ որ սա ամերիկյան առաջին խոշոր ներդրումն է լինելու Հայաստանում: Այս իրադարձությունը ողջունեցին ԱՄՆ պետդեպարտամենտը, Ամերիկայի Հայ դատի գրասենյակը, Հայաստանի իշխանությունները: