ՎԻՎԱՍԵԼ-ՄՏՍ-Ի ԲԱԺԱՆՈՐԴՆԵՐԻՑ ԵՎՍ 30-Ը` ՀԱՏՈՒԿ ԽԱՂԱՐԿՈՒԹՅԱՆ ԵՐԿՐՈՐԴ ՓՈՒԼԻ ՀԱՂԹՈՂՆԵՐԸ, ՍՏԱՑԱՆ ԻՐԵՆՑ ՍՄԱՐԹՖՈՆՆԵՐԸ ՎիվաՍել-ՄՏՍ-ն հյուրընկալել է «Անձնական» եւ «Խոսում է քաղաքը» սակագնային պլանների բաժանորդների միջեւ անցկացված խաղարկության երկրորդ փուլի hաղթողներին, որոնք հրավիրված էին ընկերության գլխամասային գրասենյակՙ իրենց նվերները ստանալու համար: Նվերները հանձնել է ընկերության գլխավոր տնօրեն Ռալֆ Յիրիկյանը: Խաղարկությունը կազմակերպվել էր «Անձնական» եւ «Խոսում է քաղաքը» սակագնային պլանների այն բաժանորդների համար, ովքեր տվյալ պահին ունեցել են «Հատուկ» փաթեթի ակտիվ բաժանորդագրություն: Խաղարկությանը չեն մասնակցել միակողմանի կամ երկկողմանի անջատված հեռախոսահամարները, ինչպես նաեւ նախորդ խաղարկության արդյունքում սմարթֆոն ստացած 20 բաժանորդները: Նոյեմբերի 24-ին կայացած խաղարկությունը կազմակերպվել է տեսախցիկների առջեւ: Օգտագործվել է հատուկ մշակված Microsoft.NET Random class selection on the system time համակարգչային ծրագիր: Բաժանորդները տեղեկացել են խաղարկության եւ դրա պայմանների մասին` SMS հաղորդագրության միջոցով: Ընդհանուր առմամբՙ հոկտեմբեր, նոյեմբեր եւ դեկտեմբեր ամիսներին կխաղարկվի 100 սմարթֆոն: «Անձնական», «Խոսում է քաղաքը» սակագնային պլանների ցանկացած բաժանորդ կարող է իր մտերիմներից մեկի համար բաժանորդագրվել «Հատուկ» փաթեթի, որն ընդամենը 2500 դրամ ամսավճարի դիմաց տրամադրում է 1500 րոպե ներառված ներցանցային խոսելաժամանակ եւ դեպի ՀՀ բջջային ցանցեր 150 SMS հաղորդագրություն ուղարկելու հնարավորություն: Եռամսյա այս խաղարկությունը եւս մեկ անակնկալ է ՎիվաՍել-ՄՏՍ-ի կողմից` իր հավատարիմ բաժանորդներին խրախուսելու համար: | 
