«ՑԵՂԱՍՊԱՆՈՒԹՅԱՆ ՄԻՋԱԶԳԱՅԻՆ ՈՒՍՈՒՄՆԱՍԻՐՈՒԹՅՈՒՆՆԵՐ» Հ. Ծ. Շարունակելով իրենց հրատարակչական գործունեությունը Տորոնտո (Կանադա) համալսարանի հրատարակչատունը եւ Զորյան ինստիտուտի բաժանմունքներից «Ցեղասպանության ու մարդու իրավունքների ուսումնասիրությունների միջազգային ինստիտուտը» լույս են ընծայելու «Genocide Studies International» (Ցեղասպանության միջազգային ուսումնասիրություններ» խորագրով մի նոր հանդես, որն իր բնույթով պետք է լինի միջճյուղային, համեմատական եւ առավել մեծ ուշադրություն դարձնի առանձին դեպքերի ուսումնասիրությանը: Խմբագրական կազմում ընդգրկված են Անրի Թերյոն, Մորին Հայբերտը, Հերբերտ Հիրշը եւ Ռոջեր Սմիթը: Հանդեսի առաջին համարը նվիրվելու է «Կանխարգելման ձախողումը» թեմային, որտեղ քննության են առնվելու «Սուդան¬Դարֆուր ¬ Նուբա լեռնային շրջանի» ճգնաժամերը եւ դրանցից խուսափելու անհաջող փորձերը: Հաջորդ տարվա մարտյան համարը ամբողջությամբ նվիրվելու է հայերի, հույների եւ ասորիների օսմանյան ցեղասպանության 100-ամյակին: Հանդեսի հրատարակիչները հույս ունեն, որ քաղաքական գործիչներն ու պետական այրերը կօգտվեն հրապարակված նյութերից եւ ըստ այդմ կվարեն իրենց քաղաքականությունը: Հանդեսը լույս է տեսնելու ապրիլին, բայց օն լայն տարբերակով արդեն իսկ առկա է «www.utpjournals.com/Genocide-studies-International.html» կայքում: | 
