2015-Ի ԲՅՈՒՋԵՆ ՀԱՍՏԱՏՎԵՑ Վարչապետ Հովիկ Աբրահամյանի կողմից իրատեսական անվանված 2015 թվականի բյուջեն երեկ Ազգային ժողովն ընդունեց 71 «կողմ», 46 «դեմ» ձայներով: Թե բյուջեում արտացոլված ինչ նոր քաղաքականության շեշտադրումների մասին էր խոսում վարչապետը` բյուջեի եզրափակիչ քննարկմանը խորհրդարանում, այն դեպքում, երբ դրամն այս օրերին արժեզրկվեց, ամանորյա թանկացումներն էլ այդ պատճառով սկիզբ առան մի փոքր սովորականից շուտ, երեւի միայն ինքը` վարչապետը գիտե: Մանավանդ ասում էր` գիտե ինչ է անելու: Բայց դե արժեզրկված դրամով մեկնարկը բյուջեի համար դժվար է լինելու: Համենայնդեպս` այս բյուջեով մենք մտնում ենք Եվրասիական միություն, որի բոլոր պետություններում ե՛ւ ՀՆԱ-ի ցուցանիշներն են բարձր, ե՛ւ աշխատավարձերն ու թոշակները: |
