Տեղադրվել է` 2014-12-08 17:13:51 (GMT +04:00)

Ընթերցված է` 1283, Տպվել է` 19, Ուղարկվել է էլ.փոստով` 8

ՀԱՅ-ՎՐԱՑԱԿԱՆ ԷՆԵՐԳԵՏԻԿ ԾՐԱԳԻՐԸ ԿՖԻՆԱՆՍԱՎՈՐԻ ԳԵՐՄԱՆԱԿԱՆ KfW ԲԱՆԿԸ

Ա. Մ.

Հայաստանի Հանրապետության եւ գերմանական KfW բանկի միջեւ «Կովկասյան էլեկտրահաղորդման ցանց I» ծրագրի համար վարկային եւ ծրագրային համաձայնագրի (75 մլն եվրո)» նախագիծը երեկ արժանացավ Հայաստանի կառավարության հավանությանը: Ծրագրի նպատակն է միացնել հայկական եւ վրացական էներգահամակարգերըՙ վրացական սահմանի մոտՙ Այրումում տեղակայվող 500/400/220 կՎ բարձր լարման հաստատուն հոսանքի փոխակերպիչ կայանով: Վրացական կողմից միացումը կլինի «Մառնեուլի» ենթակայանից 500 կՎ, հայկական կողմիցՙ Հրազդանից 400 կՎ գծերի միջոցով: Համաձայնություն տրվեց նաեւ նույն ծրագրի իրականացման 10,2 մլն եվրո արժեքով համաձայնագրի նախագծին: