ՏԱՎՈՒՇԻ ՍԱՀՄԱՆԱՄԵՐՁ ԳՅՈՒՂԵՐԸ ԳՆԴԱԿՈԾՎՈՒՄ ԵՆ Պառավաքարում երեկ մեկ կին է զոհվել, Բերդավանում կա երկու զոհ, երկու վիրավոր: Tert.am-ի հետ զրույցում ՀՀ ոստիկանության տեղեկատվության եւ հասարակայնության հետ կապերի վարչության պետն ասել է, որ Բերդավանում եւս երկու կին է զոհվել, երկու տղամարդՙ վիրավորվել: Հակառակորդի արձակած գնդակից մահացել են Ռեւազյան Սոնան (74 տարեկան) եւ Ասատրյան Շուշանը (21 տարեկան): Տավուշի մարզի սահմանամերձ Պառավաքար համայնքում հակառակորդի կրակոցից զոհվել է 70-ամյա Պայծառ Աղաջանյանը: ՀՀ պաշտպանության նախարարության գիշերը տարածած հայտարարությունը իր հերթին հաստատեց նախապես տարածված տեղեկատվությունը Տավուշի մարզի սահմանամերձ գյուղերի շարունակվող գնդակոծության եւ տիրող լարվածության մասին, մեղադրելով ադրբեջանական կողմին եւ խոստանալով համարժեք պատասխան, որի ողջ պատասխանատվությունը, ինչպես նշվում է հայտարարության մեջ, ընկնում է հակառակորդի վրա: | 
