ԺՈՂՈՎՐԴԱՎԱՐՈՒԹՅՈՒՆԸ ԾԽԵՑՆՈՒՄ Է ՀՈՎԻԿ ԱՖՅԱՆ Առողջապահության համաշխարհային կազմակերպության տվյալներով եվրոպական աշխարհամասը առաջատար է ճանաչվել ծխախոտի եւ ալկոհոլի օգտագործման առումով: Կազմակերպությունն արձանագրել է, որ այս կապակցությամբ եվրոպական աշխարհամասում բնակվող այսօրվա երիտասարդները (որոնց մեջ ամենաշատն է տարածված` ծխախոտը, հատկապես` ալկոհոլը) կարող են եւ չհասնել իրենց տատիկ-պապիկների տարիքին: Նկատենք, որ եվրոպական աշխարհամասը հայտնի է նաեւ այլ տվյալներով. օրինակՙ որպես աշխարհի ամենաժողովրդավարական տարածաշրջան: Տրամաբանում ենք, որ ժողովրդավարությունն ուրեմն ծխեցնում է եւ խմացնում, անշուշտ: Ի դեպ, «եվրոպական աշխարհամաս» ձեւակերպման մեջ ընգրկված է նաեւ Ռուսաստանը, ավելին` Ռուսաստանն իր ծխողների քանակով առաջատարն է ողջ Եվրոպայում, միայն ծխողների քանակով: Այնպես որ, կամ Ռուսաստանն էլ ժողովրդավարական երկիր է, կամ էլ Ռուսաստանն էլ մի բան չէ: | 
