ԵՎՐՈՄԻՈՒԹՅՈՒՆՈՒՄ ԹՈՒՐՔԻԱՅԻ ՆՈՐԱՆՇԱՆԱԿ ԴԵՍՊԱՆՈՐԴԸ ՃԱՆԱՉԵԼ Է ՑԵՂԱՍՊԱՆՈՒԹՅՈՒՆԸ Հ. Ծ. Անկարայից (Թուրքիա) «Ռուդսու» լրատվական գործակալությունը տեղեկացնում է, որ Եվրոմիությունում Թուրքիայի նորանշանակ դեսպանորդ Ալի Հեյդար Կոնչան հաստատել է, որ Առաջին համաշխարհային պատերազմի ժամանակ հայերի դեմ ցեղասպանություն է գործադրվել Թուրքիայում: Կոնչան «Ժողովուրդների դեմոկրատական կուսակցությունից» (HDP) պատգամավոր է խորհրդարանում եւ Եվրոմիության գծով նախարար էր ընտրվել վերջերս: «Այն որ ցեղասպանություն է տեղի ունեցել, պարզ է ու հստակ: Բոլորն ընդունում են այդ փաստը, մնում է որոշել, թե ինչ անուն տալ դրան: Երբ կուսակցությունը որոշումը ընդունի, տեղյակ կպահենք ձեզ», ասել է նա լրագրողների հետ հանդիպման ժամանակ: Սա առաջին դեպքն է, երբ թուրք կառավարության մի պաշտոնյա ճանաչում է, որ ցեղասպանություն է կատարվել հայերի դեմ: Նախագահ Էրդողանը անհողդողդ է մնում եւ շարունակում պնդել, որ Թուրքիան նման մեղք կամ հանցագործություն չի կարող գործած լինել: «Թուրքիան անտեսելու է Եվրոմիության խորհրդարանի որեւէ որոշում, որը կանդրադառնա 1915-ի իրադարձություններին, որակելով դրանք ցեղասպանություն: Նման որոշումները մեր մի ականջից մտնելու, մյուսից դուրս են գալու», ասել է նա: |
