EIB -Ի ՎԱՐԿԸՙ ԵՐԵՎԱՆԻ ԱՂԲԱՀԱՎԱՔՈՒԹՅԱՆ ԱՐԴԻԱԿԱՆԱՑՄԱՆԸ Եվրոպական ներդրումային բանկըՙ EIB, Հայաստանին տրամադրում է 8 միլիոն եվրոյից ավելի վարկՙ մայրաքաղաք Երեւանի աղբահավաքության արդիականացման առաջին փուլի ֆինանսավորման համար, իրազեկում է nov-ost. Info-ն: Ակնկալում ենք, որ Երեւանի քաղաքապետարանը շուտով կհստակեցնի, թե արդիականացման տակ ի՞նչ է պետք հասկանալ. ավելի կատարելագործված աղբարկղե՞ր` քան լիբանանյան Sanitek ընկերության տեղադրածները, աղբի տեսակավորու՞մ` համապատասխան աղբատարներով ու աղբարկղերով, աղբատար մեքենաների արդիականացում, հետագա վերամշակո՞ւմ, որով ժամանակին ճապոնական մի ընկերություն ծրագիր էր ներկայացրել քաղաքապետարանին, որը չապահովվեց համապատասխան ֆինանսավորմամբ: Ինչ էլ լինի, սա լավ լուր է մեր համաքաղաքացիների համար, որոնք քիչ թե տառապանքներ չեն կրում աղբահանության դեռեւս ոչ կատարելագործված վիճակից: |
