ԳԻՏՆԱԿԱՆՆԵՐԸ ԴԵՌ ՍՈՒՐՃ ԵՆ ԽՄՈՒՄ

RSS | FACEBOOK | NLA

#033, 2016-09-09 > #034, 2016-09-16 > #035, 2016-09-23 > #036, 2016-09-30 > #037, 2016-10-07

«ԱԶԳ» ՕՐԱԹԵՐԹ #35, 23-09-2016


	Տեղադրվել է` 2016-09-23 13:37:44 (GMT +04:00)
Ընթերցված է` 4602, Տպվել է` 592, Ուղարկվել է էլ.փոստով` 0
ԳԻՏՆԱԿԱՆՆԵՐԸ ԴԵՌ ՍՈՒՐՃ ԵՆ ԽՄՈՒՄ Հ. ԱՖՅԱՆ Չնայած Հովիկ Աբրահամյանը Կարեն Կարապետյանի ընկերն է, ինչպես վերջինս է ասել, բայց Կարեն Կարապետյանը հենց նշանակվեց վարչապետ, հայտարարեց, որ մեր տնտեսության վիճակը «շատ ծանր է»: Համաձայնեք, մի քիչ սիրուն չէ, ընկերոջդ արած աշխատանքը, ջանքերը ջուրը լցնել ու հայտարարել, թե դրանք փաստորեն ոչինչ չեն տվել, ապարդյուն բաներ են եղել, իզուր արված: Մյուս կողմից, չի բացառվում, որ երբ Հովիկ Աբրահամյանն էր նշանակվում վարչապետ, մեր տնտեսության վիճակը «շատ-շատ ծանր էր», եւ Աբրահամյանին հաջողվել է բարելավել տնտեսության վիճակն ու այն Կարապետյանին հանձնելՙ «շատ ծանր վիճակում»: Այս տրամաբանությամբ, Կարապետյանն էլ իր հաջորդին տնտեսությունը կհանձնի «ծանր վիճակում», բայց ինչպես հասկանում ենքՙ սա նշանակում է, որ քանի գնում մեր տնտեսության վիճակը բարելավվում է: Բայց սաՙ եթե հարցին մոտենանք լավատեսությամբ: Օրինակ որոշ հանրապետականներ վարչապետ Կարապետյանի ասածՙ «մեր տնտեսությունը գտնվում է շատ ծանր վիճակում» հայտարարությանը մոտենում են մի տեսակ թերահավատությամբ: Հասկանալ նրանց կարելի է, քանի որ եթե իրոք մեր տնտեսությունն այսօր ծանր վիճակում է, ուրեմն Աբրահամյանի կառավարությունը վատ է աշխատել: Եւ քանի որ Հովիկ Աբրահամյանն իր կառավարությունն իր հոր տնից չէր բերել, ինչպես ԱԺ փոխնախագահ Շարմազանովն է ասում, ուրեմն ՀՀԿ-ի կազմած կառավարությունը լավ չի աշխատել, Հանրապետականն ինքը լավ չի աշխատել, ու որպեսզի սազի տնտեսության այսօրվա վիճակի հետՙ շատ ծանր է աշխատել: Հասկանալի է, ուրեմն, որ որոշ հանրապետականներ, որոնք ամեն օր, օրնիբուն, տքնաջան աշխատում են, չարչարվում են, հոգնում են, որ ժամ առաջ երկրի վիճակը բարելավեն, պետք է չհամաձայնեն այն մտքին, որ իրենք, փաստորեն, լավ չեն աշխատել: Բայց այստեղ մեկ այլ վտանգ է ծագում: Բանն այն է, որ եթե ՀՀԿ-ն չի ընդունում իր իսկ նշանակած վարչապետի հայտարարության ճշմարտացիությունը, ուրեմն խոստովանում է, որ Կարեն Կարապետյանը տնտեսությունից բան չի հասկանում, կամ, որ սազի տնտեսության այսօրվա վիճակի հետՙ շատ ծանր է հասկանում: Առաջին հայացքից սա վտանգավոր է անձամբ Կարապետյանի համար, բայց խորքային առումով սա նշանակում է, որ ՀՀԿ-ն կրկին շատ վատ է աշխատում, քանի որ վարչապետ է նշանակում մեկին, ով տնտեսությունից շատ ծանր է հասկանում: Հետեւաբար, որպեսզի նման բարդ խնդիրների առջեւ չկանգնեն, ՀՀԿ-ի մեծամասնությունը Կարապետյանիՙ «շատ ծանր տնտեսություն» հայտարարությունը չլսելու է տվել, իբր չի էլ ասվել նման բան, կամ էլ եթե անգամ ասվել է, ապա «դե վարչապետ է, մի բան գիտի, որ ասում է»: Այսպես, չհաստատելով, որ տնտեսության վիճակը շատ... ծանր է եւ չխոստովանելով, որ Կարեն Կարապետյանը տնտեսությունից շատ ծանր է հասկանում: Մի խոսքով, բոլոր այն հանրապետականները, ովքեր համաձայն չեն Կարապետյանի հետՙ տնտեսությանը տված վերջինիս գնահատականի առումով, հասկանալի են, հասկանալի են նաեւ նրանք, ովքեր զգուշորեն համաձայն են, եւ հասկանալի են նրանք, ովքեր լուռ են այս կապակցությամբ: Մի քիչ անհասկանալի է Պուտինի լռությունը, քանի որ մարդը վստահ է, որ ԵՏՄ-ին միանալուց հետո Հայաստանի տնտեսությունը աճ է արձանագրել, ինչը փաստորեն այդպես չէ, բայց հազիվ թե Պուտինին զեկուցեն, թե Կարեն Կարապետյանն ինչ է ասել: Նախ նրա համար հետաքրքրական չէ, երկրորդըՙ ինքը սովորություն չունի խառնվելու այլ պետությունների, կոնկրետ եւ մանավանդ Հայաստանի ներքին գործերին, եւ երրորդն էլ նա, ով նման բաները զեկուցում է Պուտինին, ավելի վաղ զեկուցել էր, որ Հայաստանի տնտեսությունն աճել է, ու հիմա եթե նման բան զեկուցի, կնշանակի իր առաջին զեկույցով ՌԴ նախագահին խաբել է: Իսկ ՌԴ նախագահին անգամ Օբաման չի ցանկանա խաբել: Բայց այս պատմությունը մի ուշագրավ կետ ունի. Մեզ բոլորիս հետաքրքրում է, թե ի՞նչ են պատասխանելու Կարապետյանին, ի՞նչ ի նկատի ուներ նա, ո՞ւմ է հանելու, ո՞ւմ է թողնելու, ինքը որքա՞ն է մնալու, ձեռքիՙ ՙ700 հազարանոց ժամացույցը միայն ժա՞մն է ցույց տալիս, թե՞ նաեւ տարին ու ամիսաթիվը...Ու մեզ չի հետաքրքրքում ամենակարեւորըՙ մեր տնտեսությունն իրո՞ք շատ ծանր վիճակում է, օրինակՙ Գյումրիում, ինչպես քաղաքապետի թեկնածու Սամվել Բալասանյանն է պարծենումՙ արդեն ժամանակին աշխատավարձ են տալիս, պետեկամուտների կոմիտեն էլ սկսելու է հարկեր հավաքելՙ վարչապետի ցուցումով, ուսուցիչները սկսելու են դաս տալՙ երբ վարչապետը նրանց ասի, վարչապետի կարգադրությամբՙ լրագրողները սկսելու են հոդված գրել, նկարիչներըՙ նկարել, քանդակագործներըՙ քանդակել, վարսավիրներըՙ մազ կտրել, քահանաներըՙ աղոթել, միայն քահանաներըՙ աղոթել, գիտնականներըՙ ...սուրճ խմել: Այ, երբ գիտնականները սկսեցին աշխատել, բոլորս կհասկանանք, որ մեր տնտեսությունը շատ լավ վիճակում է, եւ ՊԵԿ-ին կարիք չկա ասելու, որ հարկ հավաքի, ինքն ինքնուրույն «կֆայմի»...

«ԱԶԳ» ՕՐԱԹԵՐԹ #35, 23-09-2016
2016-09-23	ՆՈՐ ԴԵՄՔԵՐԸ ԿՓՈԽԵ՞Ն ԻՐԱՎԻՃԱԿԸ
2016-09-23	ՀԱՅԱՍՏԱՆԻ ԴԵՄՙ ԲԱՔՈՒՆ ԻՍԼԱՄԱԿԱՆ ԿԱԶՄԱԿԵՐՊՈՒԹՅԱՆ ՀԵՏ ՃԱԿԱՏ Է ՍՏԵՂԾՈՒՄ
2016-09-23	ՄԻԱՅՆԱԿ` ՀԱՄԱԿԱՐԳԻ ԴԵ՞Մ
2016-09-23	ԱՆԿԱԽՈՒԹՅԱՆ ՍԵՐՄՆԱՑԱՆԸ
2016-09-23	ԳԱԳԻԿ ԾԱՌՈՒԿՅԱՆԻ ԱՅՑԸ ԻՐԱՆԱՀԱՅ ՀԱՄԱ՞ՅՆՔ, ԹԵ՞ ԴԱՇՆԱԿՑՈՒԹՅԱՆԸ
2016-09-23	ԱՆԿԱԽՈՒԹԵԱՆ ՑՈՐԵՆՆ ՈՒ ՅԱՐԴԸ
2016-09-23	«ՀՈԳԵՎՈՐ ԱԳՐԵՍՈՐ» . ԹԲԻԼԻՍԻՈՒՄ ԲՈՂՈՔԻ ՑՈՒՅՑ ՖՐԱՆՑԻՍԿՈՍ ՊԱՊԻ ԱՅՑԻՆ ԸՆԴԱՌԱՋ
2016-09-23	ԱՐՀԵՍՏԱՎԱՐԺՆԵՐԻ ԹԻՄ, ԲԱՅՑ ՈՉ «ԱԶԳԱՅԻՆ ՀԱՄԱՁԱՅՆՈՒԹՅԱՆ ԿԱՌԱՎԱՐՈՒԹՅՈՒՆ»
2016-09-23	«ԻՍԿԱՆԴԵՐԻ» ՈՒՂԵՐՁԸ ԵՎ ՌՈՒՍԱՍՏԱՆ-ՀԱՅԱՍՏԱՆ ԴԱՇԻՆՔԸ
2016-09-23	ՆՈՐ ԴԵՄՔԵ՞Ր, ԹԵ՞ ՆՈՐ ՓՈՒԼ ՀԱՅԱՍՏԱՆՈՒՄ
2016-09-23	ՀԱՅԱՍՏԱՆԻ 25-ԱՄՅԱԿԸ ԱՄՆ-Ի ԿՈՆԳՐԵՍԻ ԳՐԱԴԱՐԱՆՈՒՄ
2016-09-23	AIWA-Ն ՆՇՈՒՄ Է ԻՐ 25-ԱՄՅԱԿԸ
2016-09-23	257 ՀՈԳԻ
2016-09-23	ԲԱ ՀՈՎԻՎՆԵՐՆ Ո՞ՒՐ ԷԻՆ
2016-09-23	ԳԻՏՆԱԿԱՆՆԵՐԸ ԴԵՌ ՍՈՒՐՃ ԵՆ ԽՄՈՒՄ
2016-09-23	ՆՈՐ ՄՈՏԵՑՈՒՄ ՀԻՆ ԽՆԴԻՐՆԵՐԻՆ
2016-09-23	ԵՂԻԿ ՋԵՐԵՋՅԱՆԻ «ՄԵԾՆ ՄՈՒՐԱԴ» ՈՒՍՈՒՄՆԱՍԻՐՈՒԹՅՈՒՆԸ
2016-09-23	ԱՆԿԱԽՈՒԹՅԱՆ ՕՐԸ, ՌՈՒՍՆԵՐԻ ՀԵՏ
2016-09-23	«ԵՐԹԱԼԸ ՃԻՇՏ Է....»
2016-09-23	ՇԱՐՈՒՆԱԿՎՈՒՄ Է ԱՄԵՐԻԿԱՅԻ ԵՎ ԿԱՆԱԴԱՅԻ ԹԵՔԵՅԱՆ ՄՇԱԿՈՒԹԱՅԻՆ ՄԻՈՒԹՅԱՆ ԿԵՆՏՐՈՆԱԿԱՆ ՎԱՐՉՈՒԹՅԱՆ ԿՈՂՄԻՑ ԱՊՐԻԼՅԱՆ ՔԱՌՕՐՅԱ ՊԱՏԵՐԱԶՄՈՒՄ ՀԵՐՈՍԱԲԱՐ ԶՈՀՎԱԾ ԶԻՆՎՈՐՆԵՐԻ ԸՆՏԱՆԻՔՆԵՐԻՆ ԲԱԺԱՆՎԵԼ ՆՅՈՒԹԱԿԱՆ ՕԳՆՈՒԹՅՈՒՆ
2016-09-23	ԲԱՐԵԳՈՐԾՈՒԹՅԱՆ ՀԱՄԱՐ... ՀԱՐԿԱՅԻՆ ՊԱՏԻ՞Ժ, ԹԵ՞ ՊԵՏԱԿԱՆ ԱՋԱԿՑՈՒԹՅՈՒՆ Է ՊԵՏՔ «ՇԻՐԱԿ ԿԵՆՏՐՈՆԻՆ»
2016-09-23	ԳԵՐՄԱՆԻԱՆ ԻՍԼԱՄԱՑՎՈՒՄ Է ԴՐՍԻՑ ՈՒ ՆԵՐՍԻՑ
2016-09-23	ՍԻՐԻԱՅՈՒՄ ԱՄԵՐԻԿԱՑԻՆԵՐՆ ԱՆՑԵԼ ԵՆ B ԾՐԱԳՐԻՆ
2016-09-23	ԵՎ ԿՐԿԻՆ ԻՍՐԱՅԵԼԻ ՄԱՍԻՆՙ ՆԱԽԱՆՁՈՎ
2016-09-23	ԷՐԴՈՂԱՆԻ ՎԱԹԵՐԼՈՈՆ
2016-09-23	ՎԻՎԱՍԵԼ-ՄՏՍ-Ըՙ ՀԱՅԱՍՏԱՆԻ ԱՆԿԱԽՈՒԹՅԱՆ 25-ՐԴ ՏԱՐԵԴԱՐՁԻՆ ՆՎԻՐՎԱԾ ՑՈՒՑԱԴՐՈՒԹՅԱՆ ԳԼԽԱՎՈՐ ԳՈՐԾԸՆԿԵՐ



	ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

	ԱԶԴԱԳԻՐ