ՍԻՐԻԱՅՈՒՄ ԱՄԵՐԻԿԱՑԻՆԵՐՆ ԱՆՑԵԼ ԵՆ B ԾՐԱԳՐԻՆ

RSS | FACEBOOK | NLA

#033, 2016-09-09 > #034, 2016-09-16 > #035, 2016-09-23 > #036, 2016-09-30 > #037, 2016-10-07

«ԱԶԳ» ՕՐԱԹԵՐԹ #35, 23-09-2016


	Տեղադրվել է` 2016-09-23 13:37:44 (GMT +04:00)
Ընթերցված է` 3516, Տպվել է` 162, Ուղարկվել է էլ.փոստով` 0
ՍԻՐԻԱՅՈՒՄ ԱՄԵՐԻԿԱՑԻՆԵՐՆ ԱՆՑԵԼ ԵՆ B ԾՐԱԳՐԻՆ Պ. Ք. Մոսկվայից զինադադար պահանջելովՙ ԱՄՆ-ը եւ Թուրքիան պատրաստվում են հարձակվել Ռաքքայի վրա Սեպտեմբերի 17-ին Դեյր-էզ-Զորի նահանգում սիրիական զորքի վրա ԱՄՆ-ի գլխավորած կոալիցիայի օդային հարվածները դժվար է պատահականություն համարել: Դրանց հետեւանքով սպանվեցին 62 եւ վիրավորվեցին 100-ից ավելի սիրիացի զինծառայողներ, իսկ հակառակորդը կարողացավ անցնել հակահարձակման: Սիրիայի գլխավոր հրամանատարությունը հատուկ հայտարարությամբ ԱՄՆ-ին մեղադրեց Դեյր-էզ-Զորի օդանավակայանի շրջանում «Իսլամական պետության» ջոկատների հարձակմանն օժանդակելու մեջ: Ավելի ուշ Դամասկոսը հաղորդեց, որ ռուսական օդուժի օգնությամբ նախագահ Ասադի զորքերը հետ են գրավել իրենց կորցրած դիրքերը: Սակայն ամերիկյան կոալիցիայի դավադրական հարվածները կարող են կրկնվել: Սիրիական «Խմեյմիմ» ընդդիմադիր խմբի ներկայացուցիչ Թարեք Ահմադի կարծիքովՙ ԱՄՆ-ը եւ իր դաշնակիցները Սիրիայում ունեն աշխարհաքաղաքական նպատակներ, այն էՙ նեղը գցել Ասադին եւ «հսկողության տակ առնել սիրիա-իրաքյան սահմանը»: Այնպես որ, ամերիկացիների նոր հարվածները չեն բացառվում: Իսկ ռազմական փորձագետ Վլադիմիր Պոպովը «Նեզավիսիմայա գազետա» թերթին տված հարցազրույցում նշել է, որ ամերիկացիներն ուզում են Դեյր-էզ-Զորի նահանգում է՛լ ավելի թուլացնել պաշտոնական Դամասկոսի դիրքերը, որպեսզի «հնարավորություն ունենան վերահսկելու այնտեղ գտնվող սիրիական խոշորագույն նավթահանքերը»: Կասկած չկա, որ ԱՄՆ-ը հեռագնա նպատակներ ունի Սիրիայում, Իրաքում եւ ամբողջ Մերձավոր Արեւելքում: Նրա համար Մոսկվայի հետ Սիրիայի վերաբերյալ ձեռք բերված համաձայնությունները սեփական ծրագրի լոկ փոքր մասն են: Կանոնավոր կերպով սողանցքեր են հայտնաբերվում համաձայնությունների խախտման համար: Սիրիայում պատերազմը շարունակվում է, իսկ ՄԱԿ-ի մարդասիրական օգնության ավտոշարասյուները չեն կարողանում մուտք գործել Հալեպ եւ այլ քաղաքներ: Հենց սեպտեմբերի 19-ին Հալեպի մոտ հարձակման թիրախ դարձավ ՄԱԿ-ի ավտոշարասյունը: Օգնության ծրագրի ձախողման համար ամերիկացիները մեղադրում են Մոսկվային, մինչդեռ իրենք գաղտնի քայլեր են ձեռնարկում: Սիրիական լրատվամիջոցները ռազմական հետախուզության աղբյուրներ վկայակոչելով հաղորդում են, որ երկրի հյուսիսումՙ թուրքերի գրաված տարածքներում, «ի հայտ են եկել ամերիկյան հատուկ ջոկատներ»: Դրանց խնդիրներից մեկը կարող է լինել թուրքական ուժերի հետ համատեղ հարձակման նախապատրաստումը ԻՊ դիրքերի վրա: Այդ գործողությունները չեն համաձայնեցվում Դամասկոսի կամ Մոսկվայի հետ, բայց հարձակման հավանականությունը մեծ է: Հաղորդվում է, որ «Թուրքիայի տարածքից սահմանը հատել եւ Չոբանբեյի շրջանում բուֆերային գոտի է մտել մեքենայացված շարասյուն», որն ունի առնվազն 25 տանկ, խոշոր տրամաչափի գնդացրով հանդերձավորված շուրջ 50 ավտոմեքենա, ինչպես նաեւ թուրք եւ ամերիկացի զինծառայողներ: Նրանց խնդիրն է «պատրաստ լինել հարձակողական գործողություններիՙ բուֆերային գոտին ընդլայնելու եւ հյուսիսից հարավ, Ռաքքայի ուղղությամբ հնարավոր հարված հասցնելու նպատակով»: Զինվորական եւ դիվանագիտական շրջանակների լավատեղյակ աղբյուր վկայակոչելովՙ «Ինտերֆաքս-ԱՎՆ» հրատարակությունը հաղորդում է, որ ՌԴ գլխավոր շտաբի պետ, բանակի գեներալ Վալերի Գերասիմովը օրերս Անկարայում նշել է Սիրիայում թուրքական բանակի գործողությունների անօրինականությունը: Բացի դրանից, իր պաշտոնակից Խուլուսի Աքարի հետ հանդիպման ժամանակ Գերասիմովը խոսել է «Եփրատի վահան» գործողության երկարաձգման կամ հետագա ընդլայնման դեպքում հնարավոր ռազմական ու քաղաքական վտանգների մասին: Օդուժի տեղաշարժերին հետեւող կայքերը հաղորդում են, որ սեպտեմբերի 16-ին եւ 17-ին ամերիկյան հետախուզական օդանավերը թռիչքներ են կատարել «Խմեյմիմ» ռուսական ավիաբազայի եւ Թարթուսի նավահանգստի նյութատեխնիկական ապահովման կետի մոտակայքում: Փորձագետների կարծիքովՙ դա արվում է Սիրիայում ՌԴ ռազմական ստորաբաժանումների գործողությունները հնարավորինս կանխելու, ինչպես նաեւ զինադադարի պահպանմանը եւ ԻՊ դեմ հարվածների նախապատրաստմանը հետեւելու նպատակով:

«ԱԶԳ» ՕՐԱԹԵՐԹ #35, 23-09-2016
2016-09-23	ՆՈՐ ԴԵՄՔԵՐԸ ԿՓՈԽԵ՞Ն ԻՐԱՎԻՃԱԿԸ
2016-09-23	ՀԱՅԱՍՏԱՆԻ ԴԵՄՙ ԲԱՔՈՒՆ ԻՍԼԱՄԱԿԱՆ ԿԱԶՄԱԿԵՐՊՈՒԹՅԱՆ ՀԵՏ ՃԱԿԱՏ Է ՍՏԵՂԾՈՒՄ
2016-09-23	ՄԻԱՅՆԱԿ` ՀԱՄԱԿԱՐԳԻ ԴԵ՞Մ
2016-09-23	ԱՆԿԱԽՈՒԹՅԱՆ ՍԵՐՄՆԱՑԱՆԸ
2016-09-23	ԳԱԳԻԿ ԾԱՌՈՒԿՅԱՆԻ ԱՅՑԸ ԻՐԱՆԱՀԱՅ ՀԱՄԱ՞ՅՆՔ, ԹԵ՞ ԴԱՇՆԱԿՑՈՒԹՅԱՆԸ
2016-09-23	ԱՆԿԱԽՈՒԹԵԱՆ ՑՈՐԵՆՆ ՈՒ ՅԱՐԴԸ
2016-09-23	«ՀՈԳԵՎՈՐ ԱԳՐԵՍՈՐ» . ԹԲԻԼԻՍԻՈՒՄ ԲՈՂՈՔԻ ՑՈՒՅՑ ՖՐԱՆՑԻՍԿՈՍ ՊԱՊԻ ԱՅՑԻՆ ԸՆԴԱՌԱՋ
2016-09-23	ԱՐՀԵՍՏԱՎԱՐԺՆԵՐԻ ԹԻՄ, ԲԱՅՑ ՈՉ «ԱԶԳԱՅԻՆ ՀԱՄԱՁԱՅՆՈՒԹՅԱՆ ԿԱՌԱՎԱՐՈՒԹՅՈՒՆ»
2016-09-23	«ԻՍԿԱՆԴԵՐԻ» ՈՒՂԵՐՁԸ ԵՎ ՌՈՒՍԱՍՏԱՆ-ՀԱՅԱՍՏԱՆ ԴԱՇԻՆՔԸ
2016-09-23	ՆՈՐ ԴԵՄՔԵ՞Ր, ԹԵ՞ ՆՈՐ ՓՈՒԼ ՀԱՅԱՍՏԱՆՈՒՄ
2016-09-23	ՀԱՅԱՍՏԱՆԻ 25-ԱՄՅԱԿԸ ԱՄՆ-Ի ԿՈՆԳՐԵՍԻ ԳՐԱԴԱՐԱՆՈՒՄ
2016-09-23	AIWA-Ն ՆՇՈՒՄ Է ԻՐ 25-ԱՄՅԱԿԸ
2016-09-23	257 ՀՈԳԻ
2016-09-23	ԲԱ ՀՈՎԻՎՆԵՐՆ Ո՞ՒՐ ԷԻՆ
2016-09-23	ԳԻՏՆԱԿԱՆՆԵՐԸ ԴԵՌ ՍՈՒՐՃ ԵՆ ԽՄՈՒՄ
2016-09-23	ՆՈՐ ՄՈՏԵՑՈՒՄ ՀԻՆ ԽՆԴԻՐՆԵՐԻՆ
2016-09-23	ԵՂԻԿ ՋԵՐԵՋՅԱՆԻ «ՄԵԾՆ ՄՈՒՐԱԴ» ՈՒՍՈՒՄՆԱՍԻՐՈՒԹՅՈՒՆԸ
2016-09-23	ԱՆԿԱԽՈՒԹՅԱՆ ՕՐԸ, ՌՈՒՍՆԵՐԻ ՀԵՏ
2016-09-23	«ԵՐԹԱԼԸ ՃԻՇՏ Է....»
2016-09-23	ՇԱՐՈՒՆԱԿՎՈՒՄ Է ԱՄԵՐԻԿԱՅԻ ԵՎ ԿԱՆԱԴԱՅԻ ԹԵՔԵՅԱՆ ՄՇԱԿՈՒԹԱՅԻՆ ՄԻՈՒԹՅԱՆ ԿԵՆՏՐՈՆԱԿԱՆ ՎԱՐՉՈՒԹՅԱՆ ԿՈՂՄԻՑ ԱՊՐԻԼՅԱՆ ՔԱՌՕՐՅԱ ՊԱՏԵՐԱԶՄՈՒՄ ՀԵՐՈՍԱԲԱՐ ԶՈՀՎԱԾ ԶԻՆՎՈՐՆԵՐԻ ԸՆՏԱՆԻՔՆԵՐԻՆ ԲԱԺԱՆՎԵԼ ՆՅՈՒԹԱԿԱՆ ՕԳՆՈՒԹՅՈՒՆ
2016-09-23	ԲԱՐԵԳՈՐԾՈՒԹՅԱՆ ՀԱՄԱՐ... ՀԱՐԿԱՅԻՆ ՊԱՏԻ՞Ժ, ԹԵ՞ ՊԵՏԱԿԱՆ ԱՋԱԿՑՈՒԹՅՈՒՆ Է ՊԵՏՔ «ՇԻՐԱԿ ԿԵՆՏՐՈՆԻՆ»
2016-09-23	ԳԵՐՄԱՆԻԱՆ ԻՍԼԱՄԱՑՎՈՒՄ Է ԴՐՍԻՑ ՈՒ ՆԵՐՍԻՑ
2016-09-23	ՍԻՐԻԱՅՈՒՄ ԱՄԵՐԻԿԱՑԻՆԵՐՆ ԱՆՑԵԼ ԵՆ B ԾՐԱԳՐԻՆ
2016-09-23	ԵՎ ԿՐԿԻՆ ԻՍՐԱՅԵԼԻ ՄԱՍԻՆՙ ՆԱԽԱՆՁՈՎ
2016-09-23	ԷՐԴՈՂԱՆԻ ՎԱԹԵՐԼՈՈՆ
2016-09-23	ՎԻՎԱՍԵԼ-ՄՏՍ-Ըՙ ՀԱՅԱՍՏԱՆԻ ԱՆԿԱԽՈՒԹՅԱՆ 25-ՐԴ ՏԱՐԵԴԱՐՁԻՆ ՆՎԻՐՎԱԾ ՑՈՒՑԱԴՐՈՒԹՅԱՆ ԳԼԽԱՎՈՐ ԳՈՐԾԸՆԿԵՐ



	ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

	ԱԶԴԱԳԻՐ