ՄԻՋՈՑԱՌՈՒՄՆԵՐԻ ՇԱԲԱԹ ՀԱՅԱՍՏԱՆՈՒՄ` ՀԲԸՄ-Ի 110-ԱՄՅԱԿԻ ԱՌԹԻՎ Մեր ընթերցեղներին հայտնի է, որ այս տարի 110-ամյակն է հայ իրականության ամենատարածուն եւ ամենամեծ ազգային, մշակութային ու կրթական կազմակերպության հիմնադրման: Նյու Յորքից, Բեյրութից եւ սփյուռքի այլ գաղթօջախներից հետո, ՀԲԸՄ-ի հոբելյանն օրերս նշվում է նաեւ Մայր հայրենիքում` 5-օրյա միջոցառումների տարաբնույթ ծրագրով: Միջոցառումների շաբաթը կսկսվի այսօր, ժամը 11-ին, ՀԲԸՄ Հայաստանի կենտրոնական դահլիճում, նախագահ Պերճ Սեդրակյանի եւ այլ ղեկավարների մամլո ասուլիսով, որին կհաջորդի, նույն դահլիճում, Snapshot 110 լուսանկարչական ցուցահանդեսը, իսկ երեկոյան ժամը 19:00-ին Օպերայի դահլիճում` «Հոգիս» պարային-երաժշտական ներկայացմամբ: Դեկտեմբերի 3-ին, դարձյալ կենտրոնական գրասենյակում, տեղի կունենա հրապարակային «ՀԲԸՄ զրույցները» վարչապետ Կարեն Կարապետյանի հետ: Դեկտեմբերի 4-ին. ժամը 19:00-ին տեղի կունեն գալա ընթրիք-դրամահավաք, իսկ հաջորդ օրը, դեկտեմբերի 5-ին «Օգնենք Արցախին» արշավ եւ բուժսարքավորումների նվիրաբերում ՀՀ պաշտպանության նախարարությանը, որին կհաջորդի, նույն օրը, սիրիահայերի բժշկական կենտրոնի պաշտոնական բացումը ՀԲԸՄ «Վահե Կարապետյան» կենտրոնում: |
