ՎԻԳԵՆ ՉԱԼԴՐԱՆՅԱՆՆ ՈՒ «ԵՎԱ»-Ն Հայաստանի կինոակադեմիան սեպտեմբերի 25-ին նախագահ է ընտրել Վիգեն Չալդրանյանին: Կինոռեժիսոր Չալդրանյանը ՀՀ արվեստի վաստակավոր գործիչ է: Կինոակադեմիայի նույն նիստում որոշվել է, թե ո՞ր ֆիլմը պետք է ներկայացնի Հայաստանըՙ Օսկարի 90-րդ մրցանակաբաշխությանՙ «Լավագույն օտարալեզու ֆիլմ» անվանակարգում: Ակադեմիան որոշել է, որ Հայաստանը կներկայացնի «Եվա»-ն. ֆիլմը հայ-իրանական համատեղ արտադրություն է, ռեժիսորն է Անահիտ Աբադը: Ֆիլմը պատմում է մի երիտասարդ կնոջՙ Եվայի մասին, որի անցյալը լի է մութ եւ ծանր պատմություններով: Փորձելով ջնջել անցյալըՙ Եվան, փոքրիկ դստեր հետ, հեռանում է Երեւանից, մեկնում Արցախ, սակայն անցյալն ամենուր հանգիստ չի տալիս նրան... |
