ՎԻՎԱՍԵԼ-ՄՏՍ. ԻՐԱԿԱՆԱՑՎԱԾ ԽԱՂԱՐԿՈՒԹՅԱՆ ԱՐԴՅՈՒՆՔՈՒՄ ՀԱՋՈՂԱԿ Է ԴԱՐՁԵԼ 18 ԳՆՈՐԴ 3 ավտոմեքենա եւ 15 սմարթֆոն ՎիվաՍել-ՄՏՍ-ը հերթական անակնկալն է մատուցել իր հաճախորդներին: 18 հոգու համար շահավետ գնումը դարձել է նաեւ խաղարկությամբ հաղթելու առիթ: Նրանցից 15-ը դարձել է «Honor 9 Lite» սմարթֆոնի, իսկ երեքըՙ «Kia Rio X-line» մակնիշի ավտոմեքենայի սեփականատեր: Հաջողակ գնորդներն անակնկալ նվերները ստացել են ընկերության գլխամասային գրասենյակում կազմակերպվածՙ հանդիսավոր արարողության ընթացքում: Ընկերության գլխավոր տնօրեն Ռալֆ Յիրիկյանը հանձնել է խաղարկված սմարթֆոններն ու ավտոմեքենաների բանալիները: «Իրականացված խաղարկությունը հաճելի անակնկալի հնարավորություն է ընձեռել ոչ միայն մեր բաժանորդներին, այլեւ ցանկացած գնորդի, ով օգտվել է մեր սպասարկան կենտրոններում իրականացված վաճառքից: Հասարակության լայն շրջանակներին օգտակար լինելու մոտեցումը բխում է մեր ընտրած ռազմավարությունից: Դա վերաբերում է ոչ միայն սոցիալական ուղղվածության ծրագրերի իրականացմանը, այլեւ սպասարկման ոլորտում առաջարկվող ծառայություններին: Շնորհավորում եմ հաջողակ հաղթողներին եւ շնորհակալություն հայտնումՙ մեր ծառայություններից օգտվողներին»,-ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը : Հիշեցնենք, որ օգոստոսի 17-ից սեպտեմբերի 30-ն ընկած ժամանակահատվածում, ՎիվաՍել-ՄՏՍ-ի սպասարկման կենտրոններից 30 900 դրամ եւ ավելի արժողությամբ սմարթֆոնների գնորդները մասնակցել են «Honor 9 Lite» սմարթֆոնների եւ «Kia Rio X-line» մակնիշի ավտոմեքենաների խաղարկություններին: Ծրագրային ապահովմամբ իրականացված խաղարկության հաղթողներն ընտրվել են պատահականության սկզբունքով: Խաղարկվել են գնված սմարթֆոնների IMEI (նույնականացման) կոդերը: Գնորդները տեղեկացվել են խաղարկության անցկացման կարգի եւ կանոնների մասին: ՎիվաՍել-ՄՏՍ-ն իր ֆեյսբուքյան պաշտոնական էջով, ստեղծել է խաղարկության ամբողջ ընթացքին հետեւելու հնարավորություն: Ավելինՙ այդ ամենը տեսանկարահանվել է: | 
