ՇՐՋԱԴԱՐՁԱՅԻՆ ՀԱՄԱԳՈՒՄԱՐ

RSS | FACEBOOK | NLA

#033, 2019-09-06 > #034, 2019-09-13 > #035, 2019-09-20 > #036, 2019-09-27 > #037, 2019-10-04

«ԱԶԳ» ՕՐԱԹԵՐԹ #35, 20-09-2019

ԿՈՒՍԱԿՑԱԿԱՆ

Տեղադրվել է` 2019-09-19 23:33:23 (GMT +04:00)

Ընթերցված է` 1702, Տպվել է` 4, Ուղարկվել է էլ.փոստով` 0

ՇՐՋԱԴԱՐՁԱՅԻՆ ՀԱՄԱԳՈՒՄԱՐ

ՍՈՒՐԵՆ Թ. ՍԱՐԳՍՅԱՆ

Ռամկավար ազատական կուսակցությունում նախահամագումարյան եռուզեռ է: Քննարկվում, հստակեցվում են մի ամբողջ շարք հարցեր, կատարվում իրատեսական կանխատեսումներ:

Որպես առաջին քայլ տեղի ունեցան սկզբում ակումբների, իսկ այնուհետեւ` շրջանակների համաժողովները, որոնց ընթացքում մի շարք կազմակերպչական եւ ընթացիկ հարցերին զուգընթաց նաեւ ՌԱԿ կենտրոնական վարչության որոշած համամասնության սկզբունքով ընտրվեցին Ընդհանուր պատգամավորական ժողովի պատգամավորները:

Կուսակցության Կենտրոնական վարչության որոշմամբ ստեղծված ՌԱԿ 4-րդ համագումարի եւ հարակից միջոցառումների կազմակերպման հանձնաժողովն ինտենսիվորեն նիստեր է գումարում եւ դրվատելի բծախնդրությամբ քննարկում, հստակեցնում է յուրաքանչյուր հարց եւ նույնիսկ մանրուք:

Մի ամբողջ շարք կարեւոր հարցեր արդեն հստակեցվել են: Նախ` համագումարը տեղի է ունենալու «Արմենիա-Մարիոթ» հյուրանոցի «Տիգրան մեծ» սրահում: Իսկ համագումարից երկու օր անց, հոկտեմբերի 1-ին, Մեգերյան գորգագործական ձեռնարկության ընդարձակ եւ ազգային յուրահատուկ մթնոլորտ ունեցող ցուցասրահում ՌԱԿ նորընտիր վարչությունը ընդունելություն կկազմակերպի համագումարի սփյուռքահայ հյուրերի, պետական կառույցների, քաղաքական ու կուսակցական ներկայացուցիչների մասնակցությամբ: Ճշգրտվել են հրավիրյալների ցուցակները, տպագրվելիք նյութերը, ինչպես նաեւ նախատեսվող հյուրասիրության հետ կապված հարցերը: Իհարկե, կան նաեւ որոշ կազմակերպական ու անձնավորված խնդիրներ, որոնք միանգամայն լուծելի մանրուքներ են եւ չեն կարող անդրադառնալ կուսակցության նպատակադրված գործունեության արդյունավետության ու շարունակականության վրա:

Ավելի քան երեսունամյա կուսակցական փորձս հուշում է, որ սա շրջադարձային համագումարը է լինելու: Համագումար, որը վերջապես կլուծի մի շարք հիմնախնդիրներ եւ բացթողումներ.

1. Գաղտնիք չէ, որ Ռամկավար ազատական կուսակցությունն այսօր իր շուրջ մեկդարյա հարուստ ու ազգաշահ կենսափորձին ու կայացած բրենդին համապատասխան ներկայություն չունի ոչ Հայրենիքում, ոչ Սփյուռքում: Հետեւապես, արձանագրելով այդ տխուր իրողությունը, անհրաժեշտ է միջոցներ ձեռնարկել իրավիճակը հիմնովին փոխելու ուղղությամբ: Եթե դա Հայրենիքում հաջողվի եւ կուսակցությունը ոտքի կանգնի, անտարակույս Սփյուռքն անմիջապես կարձագանքի եւ իր ունեցած բոլոր միջոցներով կնպաստի այդ առաջընթացին:

2. Գաղտնիք չէ, որ կուսակցությունը նաեւ ուժեղ ու վճռական ղեկավար մարմինների կարիքն ունի: Ուստի հարկավոր է շոկային թերապիայի միջոցով մոբիլիզացնել կենսափորձով հարուստ եւ կարող բոլոր ուժերին ու շատ արագ լուծել այդ խնդիրը: Թուլ չտալ, որ այսուհետեւ եւս ժամանակը մեր դեմ քայլի:

3. Ստեղծված իրավիճակը հար եւ նման է 1921 թվականին ստեղծվածին: Հետեւապես հարկավոր է նույն կերպ համախմբվել եւ լոթարինգիական ընդարմացումից հանել աշխարհի տարբեր ծայրերում հայտնված մեր բոլոր ընկերներին ու հայաստանաբնակ բոլոր այն առողջ ուժերին, որոնք ինչ-ինչ պատճառներով անգործության էին մատնված:

4. Ցավոք, կուսակցությանս պատմությունը զերծ չէ անձնական հաշիվներով առաջնորդվողներից, ուստի հարկավոր է վեր կանգնել անձերից ու անձնականից, այսուհետ վճռականորեն մերժել դրանք եւ համարձակ գնալ եղած ու գալիք խնդիրների լիարժեք կարգավորման ուղղությամբ:

5. Գաղտնիք չէ, որ ՌԱԿ-ը պահպանողական, էվոլյուցիոն բարեփոխումների, աստիճանական զարգացման գաղափարախոսության կրող քաղաքական ուժ է: Սակայն առավել գաղտնի չէ, որ մենք այս տարիների ընթացքում չափից ավելի պահպանողականություն դրսեւորեցինք, եւ այսօր քաղաքական դաշտում քիչ չեն այն ուժերը, որոնք ոչ միայն հավակնում են այդ առաքելության դրոշակակրի կոչմանը, այլեւ չեն ցանկանում այնտեղ մեկ այլ ուժի էլ տեսնել:

6. Բացի այն տխուր իրողությունից, որ ՌԱԿ նախկին որոշ անդամներ փորձում են սեփականել Հայաստանի Արդարադատության նախարարության կողմից սահմանված բոլոր իրավանորմերով գրանցված մեր կուսակցության անունն ու խորհրդանիշերը, այժմ էլ հայտնվել են անհատներ, որոնք անձնական ինչ-ինչ ամբիցիաներ բավարարելու մտադրությամբ ձգտում են խեղաթյուրել աստիճանաբար առողջ ու ստեղծագործակառուցողական հուն մտնող ՌԱԿ-ի առաջընթացը: Վստահ եմ, դա նրանց երբեք չի հաջողվի, քանի որ առողջ ու կուսակցության ապագայով մտահոգ անդամներն անհամեմատ շատ են:

7. Որոշ ճշգրտումների կարիք է զգացվում ռամկավարական փաստացի գործող երեք բաղադրիչների` Կենտրոնական վարչության, Գերագույն խորհրդի եւ Թեքեյան մշակութային կառույցների հարաբերություններում:

8. Համագումարը նաեւ պետք է որոշ ճշգրտումներ կատարի կուսակցության ծրագրում, կանոնադրության մեջ, որոնց մասին ավելի մանրամասն առաջարկներով նախատեսում եմ հանդես գալ ինքս:

Վստահ եմ, որ մանր ու մեծ խնդիրներ բոլոր գործող կառույցներում էլ կան: Դրանցից զերծ չի նաեւ ՌԱԿ-ը: Վստահ եմ նաեւ, որ առաջիկա շրջադարձային համագումարը կքննարկի եւ հիմնավոր կլուծի դրանք ու դրանով կապահովի ոչ միայն կուսակցության ազգանպաստ հետագա ընթացքը, այլեւ կստեղծի այն գաղափարակազմակերպչական հիմքը, որը ճանապարհ կհարթի հայաստանյան քաղաքական կյանքում վճռական գործոն դառնալու ճանապարհին:

01-10.09.2019

«ԱԶԳ» ՕՐԱԹԵՐԹ #35, 20-09-2019
2019-09-20	ՀՐԱԺԱՐԱԿԱՆՆԵՐԻ ՇԱԲԱԹ
2019-09-20	ԲԱՑՎԵՑ ՄԱՅՐ ԱԹՈՌԻ ՎԵՀԱՐԱՆ-ՀԱՄԱԼԻՐԸ
2019-09-20	ԿՀԱՍՑՆԻ՞ ԻՇԽԱՆՈՒԹՅՈՒՆՆ ԸՆԹԱՑՔ ՓՈԽԵԼ` ՄԻՆՉԵՎ ԱՆԴԱՌՆԱԼԻՈՒԹՅԱՆ ԿԵՏԻՆ ՀԱՍՆԵԼԸ
2019-09-20	ՇԻՐԻՆՕՂԼՈՒՆ «ԳՐՈՀԱՅԻՆՆԵՐ» ԴԱՍՏԻԱՐԱԿԵԼՈՒ ՄԵՋ Է ԱՄԲԱՍՏԱՆՈՒՄ Կ. ՊՈԼՍՈ «ԿԵԴՐՈՆԱԿԱՆ» ՎԱՐԺԱՐԱՆԻՆ
2019-09-20	ՇՐՋԱԴԱՐՁԱՅԻՆ ՀԱՄԱԳՈՒՄԱՐ
2019-09-20	ՍԵՊՏԵՄԲԵՐԻ 21-ԻՆ ԿՈՒ ԳԱՔ ԳՅՈՒՄՐԻ
2019-09-20	ՀԱՅԵՐԷՆԻ ՈՒՍՈՒՑԻՉՆԵՐԸ
2019-09-20	ԱՆԿԱՐԱՅԻ ԵՌԱԿՈՂՄ ԳԱԳԱԹԱԺՈՂՈՎԻ ԱՐԴՅՈՒՆՔՆԵՐԸ ՉԵՆ ԲԱՎԱՐԱՐԵԼ ԷՐԴՈՂԱՆԻՆ
2019-09-20	ԱԴՐԲԵՋԱՆ: ԿՈՎԿԱՍԻ ԱՆՑԱՆԿԱԼԻ ՀԱՐԵՎԱՆԸ
2019-09-20	ԱՅՑԵԼՈՒԹՅՈՒՆ Կ. ՊՈԼՍՈ ՀԱՅՈՑ ՊԱՏՐԻԱՐՔԱՐԱՆՙ ՆԵՐՔԻՆ ԳՈՐԾՈՑ ՆԱԽԱՐԱՐՈՒԹՅՈՒՆԻՑ
2019-09-20	ՍԱՌԸ ՊԱՏԵՐԱԶՄԻ ՎԵՐՋԻՆ ԼՐՏԵՍԸ
2019-09-20	ԵՐԿՐԱՇԱՐԺ. ԷՊԻԿԵՆՏՐՈՆԸՙ ՀՀ ՔԱՂԱՔԱՑՈՒ ՀՈԳԻՆ
2019-09-20	ՆԱՎԹԻ ԳԻՆԸ ԵՎ ՍԱՈՒԴՅԱՆ ԱՐԱԲԻԱՅԻ ԱՇԽԱՐՀԱՔԱՂԱՔԱԿԱՆ ԱՐԺԵՔԸ
2019-09-20	ԵԹԵ... ԸՆԴՈՒՆԱԿ ԵՆ...
2019-09-20	ԲԱՆԿԱՅԻՆ ԳԱՂՏՆԻՔԻ ԲԱՑԱՀԱՅՏՄԱՆ ՔԱՂԱՔԱԿԱՆ ՆՊԱՏԱԿՆԵՐՆ ՈՒ ՏՆՏԵՍԱԿԱՆ ՀԵՏԵՎԱՆՔՆԵՐԸ
2019-09-20	ԱԶԳԱՅԻՆ ՊԱՆԹԵՈՆԻ «ՀԱՐՑԸ» ՊԵՏՔ Է ԼՈՒԾԵԼ
2019-09-20	ԿԱՐՊԻՍ ՋՐԲԱՇՅԱՆԻ ՀԻՇԱՏԱԿԻՆ
2019-09-20	ԿՅԱՆՔԸ ՀԻԱՍՔԱ՞ՆՉ Է
2019-09-20	ԵՐԵԽԱՅԻ ՑԱՎՈՏ ՎԵՐԱԴԱՐՁՆ ԸՆՏԱՆԻՔ
2019-09-20	«ԹՌՉՈՒՆՅԱՆ ՏԱՆ» ՍԱՆԵՐԸ ՇՆՈՐՀԱՎՈՐՈՒՄ ԵՆ
2019-09-20	ԱՆՎԱՆԻ ԼԵԶՎԱԲԱՆ ՀՈՎՀԱՆՆԵՍ ԲԱՐՍԵՂՅԱՆԻ ԿԻՍԱՆԴՐՈՒ ԲԱՑՈՒՄԸ
2019-09-20	«ԱՆԻՎ» ՀԻՄՆԱԴՐԱՄԻ ՄՐՑԱՆԱԿԸՙ ՌՈՒՍ ՇՐՋԱՆԱՎԱՐՏԻՆ
2019-09-20	ԻՐԱՆՆ ԱՄԲԱՍՏԱՆՎՈՒՄ Է ՍԱՈՒԴՅԱՆ ՆԱՎԹԱԿԱՅԱՆՔՆԵՐԻ ՌՄԲԱՀԱՐՄԱՆ ՄԵՋ
2019-09-20	ԵՌԱԿՈՂՄ ՀԱՆԴԻՊՈՒՄ ԱՆԿԱՐԱՅՈՒՄ
2019-09-20	ԿՐԿԻՆ ՀՈԽՈՐՏՈՒՄ ԵՆ
2019-09-20	«DATA» ՍԱԿԱԳՆԱՅԻՆ ՊԼԱՆՆԵՐ. ՍՏԱՑԵ՛Ք ԿՐԿՆԱԿԻ ԵՎ ԴԵՌ ԱՎԵԼԻ ԻՆՏԵՐՆԵՏ ՎԻՎԱՍԵԼ-ՄՏՍ-ԻՑ
2019-09-20	ԵՐԵՔ ՏԱՍՆԱՄՅԱԿՙ ՆԿՈՒՂՈՒՄ
2019-09-20	ԱՐԴԻ ՏԵԽՆՈԼՈԳԻԱՙ ՓԱՅՏՅԱ ՎԱՌԱՐԱՆԻ ՓՈԽԱՐԵՆ
2019-09-20	ՎԱՀԱՆ ԱՆՏՈՆՅԱՆԸ ՀԵՌԱՑԱՎ ՄԵԶԱՆԻՑ
2019-09-20	ՇՆՈՐՀԱՆԴԵՍ



	ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

	ԱԶԴԱԳԻՐ