ԿԸՀ-Ն ՀՐԱՊԱՐԱԿԵՑ ԸՆՏՐՈՒԹՅՈՒՆՆԵՐԻ ՎԵՐՋՆԱԿԱՆ ԱՐԴՅՈՒՆՔՆԵՐԸ Հայաստանի կենտրոնական ընտրական հանձնաժողովը երեկ հրապարակեց փետրվարի 18-ին կայացած նախագահական ընտրությունների վերջնական արդյունքները` կազմելով ամփոփիչ արձանագրություն: ԿԸՀ նախագահ Տիգրան Մուկուչյանը նիստից հետո այդ արձանագրության հիման վրա Հայաստանի Հանրապետության նախագահի ընտրություններում հաղթող ճանաչեց գործող նախագահ, ՀՀԿ-ից նախագահի թեկնածու առաջադրված Սերժ Ազատի Սարգսյանին եւ ներկայացրեց վերջնական արդյունքների թվերը. ընտրողների ընդհանուր թիվը եղել է 2 մլն 527 հազար 822: Քվեարկությանը մասնակցած, գրանցված եւ քվեաթերթիկ ստացած մասնակիցների թիվն, ըստ ստորագրությունների 1 521 261 է: Թեկնածուներին տրված քվեների վերջնական պատկերն է. Բագրատյան Հրանտ` 31 հազար 643 (2,15%), Հայրիկյան Պարույր` 18 հազար 96 (1,23%), Հովհաննիսյան Րաֆֆի` 539 հազար 693 (36,75%), Ղուկասյան Անդրիաս` 8 հազար 329 (0,57%), Մելիքյան Արման` 3 հազար 520 (0,24%), Սարգսյան Սերժ` 861 հազար 373 (58,64%), Սեդրակյան Վարդան` 6 հազար 210 (0,42%): | 
