ԿԱՍՊԱՐՈՎՆ ՈՒ ՄՈՎՍԻՍՅԱՆԸ ՀԱՋՈՂ ԵՆ ՄԵԿՆԱՐԿԵԼ Իսպանական Մայորկայում ընթացող շախմատի մրցաշարում Բելառուսը ներկայացնող հայ գրոսմայստեր Սերգեյ Կասպարովը 5 տուրից հետո վաստակած 4 միավորով ընթանում է 5-րդ տեղում: Նա ընդամենը կես միավոր է զիջում առաջատարներինՙ Սալվադոր Դել Ռիոյին, Ստանիսլավ Սավչենկոյին, Վլադիմիր Պետկովին ու Սապտարշի Ռոյին: Կասպարովը մեկնարկում 2 անընդմեջ հաղթանակ տոնեց Կատալինա Բոիքսի եւ Խուլիո Սանչեսի նկատմամբ, ապա հաշտություն կնքեց Դինեշ Շարմայի հետ: 4-րդ տուրում Կասպարովը հաղթեց Ջոնաթան Ալոնսոյին, իսկ հաջորդ պարտիան Լիյա Զարագացկու հետ ավարտեց ոչ-ոքի: 4 միավոր ունի նաեւ Հայաստանը ներկայացնող Կարեն Մովսիսյանը, որը լրացուցիչ գործակիցներով 14-րդ տեղում է: Կարենն ուշացել էր մրցումներից եւ մեկնարկային տուրում Ալեխանդրո Ալեմանիի հետ պարտիայում նրան պարտություն գրանցվեց: Հաջորդ 4 պարտիաներում հայ շախմատիստը հաղթեց Ջոն Կոմասին, Բեռնարդո Նադալին, Պովիլաս Լասինսկասին եւ Դանիել Սորմին: | 
