ԿԵՆՍԱԹՈՇԱԿՆԵՐԸ ԿՍԿՍԵՆ ՎՃԱՐՎԵԼ ԱՄՍՎԱ 3-ՐԴ ԱՇԽԱՏԱՆՔԱՅԻՆ ՕՐՎԱՆԻՑ Ա. Մ. Կենսաթոշակների վճարման մեխանիզմների վերաբերյալ կառավարության երեկ ընդունած որոշման վերաբերյալ աշխատանքի եւ սոցիալական հարցերի նախարար Արտեմ Ասատրյանը լրագրողներին ներկայացրեց այս ոլորտում վերջին ամիսներին կատարված աշխատանքները: Ըստ նախարարի, եթե նախկինում ամբողջ ամիս էին տեւում թոշակառուների ցուցակի ճշտման հետ կապված աշխատանքերը, հնարավոր էր լինում ձեռքով փոփոխություններ անել, ապա նոր էլեկտրոնային համակարգում այդ ամենը տեւում է 1-2 օր, ինչը նշանակում է, որ ամեն ամսվա 3-րդ աշխատանքային օրվանից վճարող կազմակերպությունները կսկսեն վճարել թոշակները: Նոր համակարգը հնարավորություն չի տալիս նաեւ ձեռքով միջամտություններ անելու ցուցակներում: Արտեմ Ասատրյանը տեղեկացրեց նաեւ, որ ամսական միջինը 20 հազար դիմումներ են լինում կենսաթոշակների հետ կապված: |
