ՔՈԹԱՆՋՅԱՆԸ ՊԱՀՊԱՆԵՑ ԱՌԱՋԱՏԱՐԻ ԴԻՐՔԸ Մեկօրյա հանգստից հետո շախմատի Հայաստանի առաջին խմբի առաջնության մասնակիցները կրկին նստեցին խաղասեղանների շուրջնՙ անցկացնելով 8-րդ տուրի հանդիպումները: Տուրի կենտրոնական հանդիպումը Տիգրան Քոթանջյանի եւ Հովհաննես Գաբուզյանի մրցավեճն էր: Քոթանջյանը հաջողության հասավ եւ 6,5 միավորով պահպանեց առաջատարի դիրքը: Նրան կրնկակոխ հետապնդող Կարեն Գրիգորյանի համար էլ տուրը հաղթական էր: Կարենի մրցակիցը Վահե Բաղդասարյանն էր: Գրիգորյանն այդ հաղթանակից հետո վաստակեց 6 միավոր: 5-ական միավորով հաջորդ տեղերում են Հովհաննես Գաբուզյանը, Լեւոն Բաբուջյանն ու Հովիկ Հայրապետյանը: Բաբուջյանը հաղթեց Արթուր Չիբուխչյանին, Հայրապետյանը պարտության մատնեց Դավիթ Քալաշյանին: 3,5 միավոր ունի Մանուել Պետրոսյանը, որը հաջողության հասավ Արտավազդ Հայրապետյանի հետ մրցավեճում: Միակ ոչ-ոքին գրանցվեց Տիգրան Հարությունյանի եւ Հայկ Վարդանյանի պարտիայում: | 
