ՊՈՒՏԻՆԸ` ՄԵՐ, ՄԵՆՔ` ՊՈՒՏԻՆԻ ԿՈՂՔԻՆ Հ. Ա. Ռուսաստանի նախագահ Վլադիմիր Պուտինը կմասնակցի ապրիլի 24-ին Երեւանում կայանալիք Հայոց ցեղասպանության 100-րդ տարելիցի միջոցառումներին: Հայաստանի եւ Ռուսաստանի նախագահները կայացած հեռախոսազրույցի ժամանակ համաձայնեցրել են իրենց առաջիկա հանդիպումների ծրագրերը` «Հայոց ցեղասպանության 100-րդ տարելիցի եւ Հայրենական մեծ պատերազմում հաղթանակի 70-ամյակի կապակցությամբ անցկացվելիք միջոցառումներին համատեղ մասնակցության շրջանակներում»: Հիշեցնենք, Ֆրանսիայի նախագահ Օլանդից հետո ՌԴ նախագահը փաստորեն երկրորդ նախագահն է, ով արդեն իսկ հայտարարել է Տարելիցի միջոցառումներին իր մասնակցության մասին: Իսկ մայիսին Մոսկվայում կայանալիք Հաղթանակի շքերթին իր մասնակցության մասին հայտարարած Սերժ Սարգսյանը առաջին նախագահն է: | 
