ԱՆՐԻ ՎԵՌՆՈՅԻ ՕՐԵՐ ԵՐԵՎԱՆՈՒՄ «Այս գիրքը, այնուհետեւ նաեւ ֆիլմը իմ պարտքն էր մորս հանդեպ: Ես հորս խոստացել էի, որ կպատմեմ մորս մասին: Սա իմ հոգու պարտքն էր», խոստովանել էր ժամանակին ֆրանսահայ միջազգային ճանաչման արժանացած ռեժիսոր Անրի Վեռնոյը: Երեւանում ՀՀ Մշակույթի նախարարության եւ Երեւանի քաղաքապետարանի նախաձեռնությամբ երեկ մեկնարկեց «Անրի Վեռնոյի օրերը», որի առաջին միջոցառումըՙ «Մայրիկ» գրքի շնորհանդեսը կայացավ Երեւանի պետական կամերային թատրոնի դահլիճում: Վաղըՙ ապրիլի 4-ին ժամը 16.30-ին տեղի կունենա Վեռնոյի անվան փողոցի (Թատրոնի եւ կինոյի պետինստիտուտի հարակից փողոց) բացման հանդիսավոր արարողությունը, իսկ ժամը 17.00-ինՙ նույն ինստիտուտում նրա անվան կինոդահլիճի բացումը: Այնուհետեւ նույն օրը ժամը 17.30-ին Համազգային թատրոնում կկայանա հուշ-երեկո նվիրված աշխարհահռչակ արվեստագետին: Կիրակի օրը ժամը 11.00-ից Համազգային թատրոնի դահլիճում կցուցադրվեն նրա ֆիլմերը: Ցուցադրությունների մուտքն ազատ է: Միջոցառումներին ներկա է լինելու արվեստագետի որդինՙ Պատրիկ Մալաքյանը: | 
