ՇԱՎԱՐՇ ՔՈՉԱՐՅԱՆԸ «ԿՐԱԿԵԼ» Է Փոխարտգործնախարար Շավարշ Քոչարյանը հարցազրույց է տվել Times.am-ին, որտեղ մասնավորաբար ասել է. «Սահմանին կրակոցներին պետք է կրակոցով պատասխանել: Եթե թղթով ու խոսքով պատասխանես` կործանված ես: Այլ բան է, երբ խոսքը վերաբերում է այն հարձակումներին, որոնք Ադրբեջանը փորձում է իրականացնել տարբեր միջազգային կառույցներում, տարբեր հարթակներում, տարբեր պետությունների ԱԳՆ-ներում. այստեղ պարտավոր ենք պատասխան տալ եւ տալիս ենք: Եւ ոչ միայն համաչափ, այլեւ` հեռանկարային: Այնպես որ եկեք չհամեմատենք պաշտպանության եւ արտաքին քաղաքական գործառույթները»: Չենք էլ համեմատում, ուղղակի հիշեցնում ենք, որ յուրաքանչյուր երկրի պաշտպանության նախարարություն պաշտպանում է կրակոցներից, իսկ արտգործնախարարություն` թույլ չի տալիս, որ տվյալ երկրի վրա կրակեն, թղթով եւ խոսքով, անշուշտ: |
