ՀԱՅՓՈՍՏԸ` «ՄԵՐԿՈՒՐԻ» ՄՐՑԱՆԱԿԱԿԻՐ «Հայփոստ» ՓԲԸ, «Հայփոստ Թրասթ Մենեջմենթ» ԲՎ Հոկտեմբերի 23-ին Երեւանի Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնի դահլիճում տեղի է ունեցել ՀՀ առեւտրաարդյունաբերական պալատի ավանդական «Մերկուրի» մրցանակաբաշխությունը: «Մերկուրի» մրցանակաբաշխությունը Հայաստանում անցկացվում է 2006 թվականից: «Հայփոստ» ՓԲԸ-ին շնորհվել է մրցանակ` «Հայաստանի Հանրապետությունում փոստային ծառայությունների ոլորտում միջազգային չափանիշներ կիրառող եւ զարգացնող ընկերություն» անվանակարգում: Մրցանակը «Հայփոստ Թրասթ Մենեջմենթ» ԲՎ գլխավոր տնօրեն Խուան Պաբլո Գեչիջյանին հանձնեց Երեւանի քաղաքապետ Տարոն Մարգարյանը: Ընդհանուր առմամբ «Մերկուրի» մրցանակ է շնորհվել 25 անվանակարգումՙ տնտեսության տարբեր ոլորտներ ներկայացնող առաջատար ընկերություններին, պարգեւներ բիզնեսին աջակցող կազմակերպություններին եւ անհատներին: «Մերկուրի»-ն միջազգային մրցանակաբաշխություն է, այն կազմակերպում են աշխարհի բոլոր առեւտրաարդյունաբերական պալատները: | 
