ԾԱՂԿԱՀՈՎԻՏԻ ԸՆՏՐՈՒԹՅՈՒՆՆԵՐԸ ՀՈՎԻԿ ԱՖՅԱՆ Կենտրոնական ընտրական հանձնաժողովը գրանցել է «Սասնա ծռեր» խմբի անդամ Արայիկ Խանդոյանի (մականունըՙ «Միայնակ Գայլ») թեկնածությունը Արագածոտնի մարզի Ծաղկահովիտ համայնքի ղեկավարի ընտրություններին մասնակցելու համար: Հիշեցնենք, որ Նուբարաշեն ՔԿՀ-ում այս պահին գտնվող Արայիկ Խանդոյանին ի վերջո թույլ տվեցին իր վստահված անձին թեկնածությունը դնելու լիազորագիր ներկայացնել եւ նա, փաստորեն, մասնակցելու է հայրենի գյուղի գյուղապետիՙ սեպտեմբերի 18-ին կայանալիք ընտրություններին: Հաղթելու պարագայում, Արայիկ Խանդոյանը կլինի, թերեւս, աշխարհի միակ համայնքապետը, որ իր համայնքի բնակիչներին չի ընդունի, ավելին ոչ մի ծաղկահովիտցի ցանկություն չի հայտնի հանդիպել գյուղապետի հետ: Ավելացնենք նաեւ, որ Էրեբունու ՊՊԾ-ում գտնվելու օրերն «Ծռերը» հանդես էին գալիս հայտարարությամբ, որ զինված պայքարը բան փոխելու միակ միջոցն է: Փաստորեն դա այդքան էր այդպես չէր, հակառակ պարագայում պարոն Խանդոյանը չէր դիմի բան փոխելու միակ օրինակ միջոցինՙ ընտրություններին: Ի դեպ, պարոն Խանդոյանը Ծաղկահովիտի գյուղապետի ընտրություններում կմրցակցի գործող գյուղապետ, հանրապետական Երվանդ Խաչատրյանի, անկուսակցական Նորայր Հակոբյանի եւ վերջինիս եղբայր, ԲՀԿ-ական Աշոտ Հակոբյանի հետ: Հետաքրքրական պայքար է սպասվում Հակոբյան եղբայրների միջեւ նաեւ, բայց սաՙ իմիջիայլոց: | 
