ՎԻՎԱՍԵԼ-ՄՏՍ-ՈՒՄ ՀՅՈՒՐԸՆԿԱԼՎԵԼ ԵՆ ԻՐԱՆԻՑ ԵՎ ՎՐԱՍՏԱՆԻՑ ԺԱՄԱՆԱԾ ԵՐԻՏԱՍԱՐԴՆԵՐ Փորձի փոխանակումը զարգացման երաշխիքներից մեկն է: Առավել արդյունավետ է, երբ գիտելիքներով ու կուտակած փորձով փոխանակվում են տարբեր երկրների ապագա մասնագետները: ՎիվաՍել-ՄՏՍ-ի բաց դռների հերթական հյուրերը եղել են Իրանից եւ Վրաստանից ժամանած երիտասարդները, ովքեր Հայաստանում են «Առաջնորդության դպրոցի» ծրագրով: Ակտիվ եւ խոստումնալից երիտասարդները ծանոթացնել են Հայաստանում ձեռնարկատիրական եւ նորագույն տեխնոլոգիական զարգացումներինՙ ուղիղ շփման միջոցով: Հյուրերի համար կազմակերպվել է ճանաչողական այց ՎիվաՍել-ՄՏՍ-ի գործառնական հիմնական կենտրոններ, որի շրջանակներում նրանք ծանոթացել են զանգերի կենտրոնի, տեխնիկական վարչության եւ սպասարկման կենտրոնի աշխատանքային առանձնահատկություններին: Շրջայցն ուղեկցվել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանի հետ անմիջական զրույցով եւ հարց ու պատասխանով: Բիզնեսի նորարարական միտումներով հետաքրքրված երիտասարդները հանդիպման ընթացքում ծանոթացել են նաեւ ընկերության ներքին գործառույթներին, աշխատանքային ընթացակարգին եւ տեխնոլոգիական հիմնական զարգացումներին: «Ողջունելի է երիտասարդների դրսեւորած հետաքրքրությունըՙ պատասխանատու բիզնես կառավարման հիմունքների հանդեպ: Գնահատելի է հատկապես նրանց պատրաստակամությունըՙ վստահ գործելու եւ իրենց մտքերը կյանքի կոչելու հարցում: Ուրախ եմ, որ նորագույն տեխնոլոգիաների եւ կապի ոլորտում մեր երկրի փորձով կարողանում ենք օգտակար լինել նաեւ հարեւան երկրներին»,-ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը : «Առաջնորդության դպրոց» հիմնադրամն իր ռեգիոնալ զարգացման ծրագրերի շրջանակում կազմակերպել է փոխանակումՙ Իրանից եւ Վրաստանից ժամանած երիտասարդ ձեռներեցների եւ ուսանողների համար: Առավել ակտիվ եւ խոստումնալից երիտասարդները Հայաստանում հյուրընկալվելովՙ ծանոթացել են Հայաստանի զարգացման միտումներին, գործիչներին եւ կազմակերպություններին: Իրականացվող ծրագիրը կարեւոր է երկարաժամկետ համագործակցության եւ տարածաշրջանի զարգացման համար: | 
