ՌՈՒՍՆԵՐԻ ԲԵՐԱԾ ՇԱՐԺԱԿԱՆ ԼԱԲՈՐԱՏՈՐԻԱՆ ԿԱՇԽԱՏԻ ԺԱՄԸ 14:00-ԻՑ Պաշտպանության նախարարի խոսնակ Շուշան Ստեփանյանը այսօր ավելի մանրամասն տեղեկություն է տվել երեկ Հայաստան ժամանած ՌԴ ԶՈւ մասնագետների կատարելիք աշխատանքի մասին: Նա նշել է, որ այսօր ՀՀ ԶՈւ ռազմաբժշկական վարչության պետ, գնդապետ Սահակ Օհանյանի գլխավորությամբ տեղի է ունեցել ՀՀ ԶՈւ եւ ՌԴ ԶՈւ մասնագետների խորհրդակցություն, կատարվել է աշխատանքների պլանավորում, քննարկվել են տեխնիկական հարցեր, հստակեցվել է վերապատրաստվող խմբի կազմը. «Հայաստան տեղափոխված Covid-19 վարակի հետազոտման շարժական լաբորատորիան կբացազատվի այսօր ժամը 14:00-ին Երեւանում եւ պատրաստ կլինի ընդունել առաջին նմուշները` 5 ժամվա ընթացքում ապահովելով 99% ճշգրտություն: Նմուշառումը կկատարեն ՀՀ ԶՈւ, իսկ հետազոտությունը ՌԴ ԶՈւ մասնագետները», գրել է Շ. Ստեփանյանն իր ֆեյսբուքյան էջում: |
