ՌՈՒՍ ԽԱՂԱՂԱՊԱՀՆԵՐԻ ՊԱՀԱՆՋԱՐԿՙ ԸՍՏ ՊՈՒՏԻՆԻ ՌԴ նախագահ Վլադիմիր Պուտինը ՙ ելույթ ունենալով ՌԴ արտաքին գործերի նախարարության կոլեգիայի ընդլայնված նիստում, անդրադարձ է արել հայ-ադրբեջանական սահմանի լարվածությանը: Նա նշել է, որ Հայաստանի եւ Ադրբեջանի սահմանին տեղի ունեցող իրադարձությունները վկայությունն են, որ իրավիճակը տարածաշրջանում չի հանդարտվել եւ ռուսական դիվանագիտության դերն իրավիճակի կարգավորման հարցում մեծանում է, ինչպես նաեւ իրավիճակը կարգավորելու համար ռուսական խաղաղապահ ուժերը մեծ պահանջարկ ունեն: Սովորաբար ռուսական խաղաղապահների պահանջարկը ե՞րբ է, երբ Հայաստանի սահմանին վատ բան է լինում, ու խաղաղապահները ոչ թե օգնում են այդ բանը կանխել, այլ սկսում են ակտիվանալ տեղի ունեցածից հետո, արդեն որպես հետեւանքները սրբագրող: Ի՞նչ էՙ վատ բանի սպասե՞նք, որ ռուսական խաղաղապահների պահանջարկվածությունը միշտ առարկայական լինի: |
