ՅՈՒՐԱ ՄՈՎՍԻՍՅԱՆԸ ՌԴ ԱՇՆԱՆԱՅԻՆ ՀԱՏՎԱԾԻ ԼԱՎԱԳՈՒՅՆ ՖՈՒՏԲՈԼԻՍՏ Ռուսական «Սպորտ-Էքսպրեսն» ամփոփելով ՌԴ պրեմիեր լիգայի աշնանային հատվածում ֆուտբոլիստների ելույթները, կազմել է առաջնության խորհրդանշական հավաքականըՙ հաշվի առնելով յուրաքանչյուր տուրում իր կողմից ֆուտբոլիստներին տրված գնահատականները: Այդ ցանկում ընդգրկվել է նաեւ Մոսկվայի «Սպարտակի» եւ ՀՀ հավաքականի հարձակվող Յուրա Մովսիսյանը: Ի դեպ, նա արժանացել է բոլորից բարձր գնահատականինՙ 6,28: «Մովսիսյանն աշնանային հատվածում բավականին բարձր արդյունավետություն ցույց տվեցՙ 2 գոլ խփելով ՀՀ հավաքականի կազմում, 10 անգամ աչքի ընկնելով ՌԴ առաջնությունում: Եվ դա այն դեպքում, երբ առաջնության կեսից նա խաղում էր վնասվածքներով ու հայտնի էր, որ պետք է վիրահատվի: Սակայն դա նրան չխանգարեց ցավազրկող ներարկումներով հեթ տրիկի հեղինակ դառնալ «Զենիթի» հետ խաղում: Մովսիսյանը ոչ միայն աչքի էր ընկնում գոլերով, այլեւ օգնում էր թիմակիցներին պաշտպանությունում», գրել է թերթը: | 
