ՄԻՋՊԵՏԱԿԱՆ ԵՎ ՀԱՆՐԱՊԵՏԱԿԱՆ ՆՇԱՆԱԿՈՒԹՅԱՆ ԱՎՏՈՃԱՆԱՊԱՐՀՆԵՐԸ ԲԱՑ ԵՆ ՀՀ տրանսպորտի եւ կապի նախարարության լրատվական ծառայություն ՀՀ տրանսպորտի եւ կապի նախարարությունը տեղեկացնում է, որ դեկտեմբերի 17-ին` ժամը 17:30-ի դրությամբ, հանրապետության որոշ շրջաններում` Սեւանում, Գավառում եւ Գորիսում ձյուն է տեղում: Աշոցքի, Սեւանի, Դիլիջանի, Գավառի, Ճամբարակի, Սիսիանի, Կապանի ավտոճանապարհների զգալի մասում եւ Սելիմի լեռնանցքում տեղ - տեղ առկա է մերկասառույց: Եղանակային դժվարություններից խուսափելու համար վարորդներին խորհուրդ է տրվում առանց խիստ անհրաժեշտության ժամը 17:00 - ից մինչեւ 7:00 չօգտվել Թթու ջուր-Նավուր ճանապարհից: Ավտոճանապարհներին իրականացվում են մշակման աշխատանքներ` անվտանգ երթեւեկությունն ապահովելու նպատակով: Միջպետական եւ հանրապետական նշանակության ավտոճանապարհները բաց են: | 
