ԿՈՒՏԱԿԱՅԻՆ ԲԱՂԱԴՐԻՉԻ ԴԵՄ ԲՈՂՈՔՈՂՆԵՐԸ ԴԻՄԵՑԻՆ ՍԱՀՄԱՆԱԴՐԱԿԱՆ ԴԱՏԱՐԱՆ Մ. Խ. Երեկ, ինչպես եւ խոստացել էին կենսաթոշակային համակարգի պարտադիր կուտակային բաղադրիչի դեմ պայքարող քաղաքական ուժերը, «Ազատության» հրապարակից սկիզբ առավ բողոքի երթ, որը բողոքողներին բերեց Սահմանադրական դատարանի մոտ: Այստեղ բողոքողները` պատգամավորներ, քաղաքացիական ակտիվիստներ, եւս շարունակեցին կարգախոսներ հնչեցնել Սահմանադրությունը եւ ՀՀ քաղաքացու իրավունքները պահպանելու անհրաժեշտության վերաբերյալ: Ապա ընթերցվեց «Ընդդեմ կենսաթոշակային պարտադիր կուտակային համակարգի նախաձեռնության» հայտարարությունը` բոլոր այն հակափաստարկներով, որոնք խորհրդարանում բերում էին կուտակային բաղադրիչին դեմ պատգամավորները: Հակափաստարկներով բողոքի նամակ-դիմումը երթի մասնակիցները հանձնեցին ՍԴ աշխատակազմի ղեկավար Առուշան Հակոբյանին, ըստ որի դիմումը կքննարկվի օրենսդրությամբ նախատեսված կարգով: |
