ՄԵԾ 20-ՅԱԿԻ ԳԱԳԱԹԱԺՈՂՈՎԻՆ ԸՆԴԱՌԱՋՙ ՀՈՒՍԱԽԱԲՈՒԹՅՈՒՆ Ան. Հ., Գերմանիա Համբուրգում հուլիսի 7-8-ը կայանալիք Մեծ 20-յակի գագաթաժողովի օրը որքան մոտենում, նույնքան ավելանում է գերմանացիների մտահոգության բեռըՙ ուրիշ վայր չկա՞, ինչո՞ւ հենց այս 1,86 միլիոնանոց քաղաքի կյանքը պիտի խաթարվիՙ դպրոցները փակվեն, տրանսպորտը կանգնի...մեր գրպանի հաշվինՙ ոստիկանական չտեսնված ներկայություն, համաձայնության եզրեր չունեցող քննարկելիք դժվար թեմաներ, եւ 3, մեղմ ասած, խիստ անհավասարակշիռ ղեկավարներՙ Թրամփը, Էրդողանը, Պուտինը: Չէ՞ր լինիՙ ամայի մի տարածքում հանդիպեին, կամՙ ասենք ֆեյսբուքում 20-յակի առաջնորդները գրեին, քննարկեին, վիճեին ու համաձայնեին, միեւնույն էՙ գագաթաժողովից հետո էլ աշխարհում ամեն 9-րդը անոթի անկողին է գնում, հունիսի 29-ին քննարկում էին գերմանացի լրագրողները: |
