3-ՐԴ «ԱՎՐՈՐԱ» ՄՐՑԱՆԱԿԱԲԱՇԽՈՒԹՅՈՒՆԸ 2018-Ի ՀՈՒՆԻՍԻ 8-10 Հ. Ծ. «Ավրորա» մարդասիրական մրցանակաբաշխության նախաձեռնող հանձնախումբը տեղեկացնում է, որ հաջորդ տարի հանդիսությունները եւ երկխոսությունները տեղի կունենան հունիսի 8-10 ընկած ժամանակամիջոցին: «Հայաստանը դարձել է մարդասիրական մտածողության եւ կոնկրետ գործունեության միջազգային կենտրոն, եւ մենք շարունակելու ենք մեր առաքելությունը», հայտարարել է նախաձեռնող խմբի անդամ Ռուբեն Վարդանյանը : Նա հավելել է, որ հաջորդ տարվա միջոցառումների նախապատրաստական աշխատանքներն ու թեկնածուների հանրային հայտերը եւ առաջարկություններն արդեն սկսված են հետեւյալ հասցեով. «https//auroraprize.com/en/prize/detail/nominatenow»: Հիշեցնենք, որ այս տարվա հաղթողը դոկտ. Թոմ Կատենան էր, որն իր 100 հազար դոլարից բացի ստացած 1 միլիոն դոլարը հատկացրել է, իր ընտրությամբ, Աֆիրկյան միսիոներական առողջապահական հիմնադրամին, կաթոլիկական բժշկական առաքեության վարչությանը եւ «Էքշըն Քենչանաբըրի» կազմակերպությանը: Նրանք շարունակելու են օգնություն ցուցաբերել խոցելի բնակչությանը աշխարհի տարբեր վայրերում: | 
