ՀՔԾ-Ն ԼՈՒՐՋ Է ԸՆԴՈՒՆԵԼ Օրերս տեղի ունեցած Հատուկ քննչական ծառայության 10-ամյակի հանդիսավոր նիստին ունեցած ելույթումՙ նախագահ Սարգսյանը ասաց. Անարդարությունը հիվանդություն է, ընդ որումՙ ծանր: Տարօրինակ պատահականությամբՙ ճիշտ հաջորդ օրը ՀՔԾ-ից հայտնեցին, որ Ուկրաինայում ձերբակալվել եւ Հայաստան է բերվել նախկին ավագ դատախազ, որը մեղադրվում է 9000 դոլար կաշառք վերցնելու համար: Ավելին, հայտնի դարձավ, որ ձերբակալվել են ճանապարհային ոստիկանության 2 տեսուչներՙ 100 եվրո կաշառք վերցնելու համար: Փաստորեն ՀՔԾ-ն լուրջ է ընդունել հանդիսավոր նիստին ասվածը: Ավելին, պարզվում էՙ մինչ այդ ՀՔԾ-ն չգիտեր, որ անարդարությունը հիվանդություն է, ընդ որումՙ ծանր: |
