ՆՈՐ ՀՐԹԻՌ ՓՀԵՆՅԱՆԻՑ ՀՈՎԻԿ ԱՖՅԱՆ Նա հիվանդ շան ձագ է, այսպես է կոչել Հյուսիսային Կորեայի առաջնորդին ԱՄՆ նախագահ Թրամփը, երբ Փհենյանը մի քանի ամիս լռելուց հետո արձակեց իր նոր հրթիռը: Վերջինս ընկավ Ճապոնական ծովում, բայց Փհենյանից հրթիռներն արդեն կարող են հասնել ԱՄՆ: ՄԱԿ-ի ԱԽ-ն արագ արտահերթ նիստ հրավիրեց: ՌԴ-ն նախ հայտարարեց, որ Փհենյանի կողմից նոր հրթիռը սադրանք է ու կոչ արեց Կիմ Չեն Ընին հանդարտվել, իսկ ավելի ուշ, երբ Թրամփը հայտարարեց, որ ԱՄՆ-ն կլուծի Փհենյանի հարցերը, Լավրովը հայտարարեց, որ ԱՄՆ-ին պատճառ է պետք Հյուսիսային Կորեան վերացնելու համար ու որ Մոսկվան չի պատրաստվում խզել կապերը Փհենյանի հետ: Ի դեպ, Կիմ Չեն Ընը նոր հրթիռն արձակելուց հետո հայտարարեց, որ Փհենյանի հրթիռներն իրենց բարեկամների դեմ չեն ուղղված: Հյուսիսային Կորեայի առաջնորդը շեշտել է, որ Փհենյանը կատարել է իր պատմական առաքելությունը եւ ստեղծել է միջուկային տերություն: Այնպես որ դժվար է ասել, թե ո՞վ է ավելի ճիշտՙ Վաշինգտո՞նը, որը պատրաստվում է լուծել Փհենյանի հարցերը, թե՞ Մոսկվան, որի կարծիքով Հյուսիսային Կորեան այսօր այն պետությունն է, որին այդքան հեշտ է վերացնելը: |
