ՕՍԿԱՐ ԹԱԴՈՍՅԱՆՙ ՀՀ ՊԱՏՎԱԿԱԼ ՀՅՈՒՊԱՏՈՍ ՉԻԿԱԳՈՅՈՒՄ «Պայքար» շաբաթաթերթը տեղեկացնում է, որ ամերիկահայ հայտնի գործարար եւ ազգային ծառայությունների նվիրյալ Օսկար Թադոսյանը օրերս պաշտոնապես նշանակվել է Միջին Ամերիկայի տարածաշրջանում ՀՀ պատվակալ հյուպատոսՙ Չիկագոյում հաստատված հյուպատոսարանով: Մ. Նահանգներում սա ՀՀ 3-րդ պատվակալ հյուպատոսությունն էՙ Ֆրեզնոյից (2014 թ.) եւ Լաս Վեգասից (2015 թ.) հետո: Պատվակալ հյուպատոսության գլխավոր առաքելությունն է տնտեսաառեւտրական կապերի հաստատումը եւ Ամերիկայից Հայաստան ներդրումների ապահովումը: Պրն Թադոսյանը հարգված դեմք է ամերիկահայ համայնքում: Տարիներ ի վեր ծառայում է Հայ եկեղեցուն, ՀԲԸՄիությանը, Ռամկավար Ազատական կուսակցությանը եւ ԹՄՄիությանը: | 
