ԳՅՈՒՄՐԵՑԻ ԴԱՀՈՒԿՈՐԴՆԵՐԸ ՄՐՑԱԿՑՈՒԹՅՈՒՆԻՑ ԴՈՒՐՍ ԷԻՆ Շիրակի մարզում անցկացված դահուկավազքի Հայաստանի պատանեկան առաջնությունում բոլորին գերազանցեցին գյումրեցի դահուկորդներըՙ տարբեր մրցաձեւերում ճանաչվելով ուժեղագույնը: Տղաների 3 կմ դասական եւ ազատ ոճերի դահուկավազքերում Հայաստանի չեմպիոն հռչակվեց Արտակ Թորոսյանը: 5 կմ դասական ոճի դահուկավազքում ուժեղագույնը Գոռ Գեւորգյանն էր, իսկ ազատ ոճում լավագույն արդյունքը ցույց տվեց Սլավիկ Սիմոնյանը: Աղջիկների մրցավեճում էլ գյումրեցի դահուկորդուհիներն էին մրցակցությունից դուրս: Կատյա Գալստյանը հաղթող ճանաչվեց 3 կմ դասական եւ ազատ ոճի դահուկավազքերում, իսկ Աննա Մխիթարյանն էլ հանրապետության չեմպիոնուհու տիտղոսը նվաճեց 5 կմ մրցատարածության 2 մրցաձեւերում: Առաջնությանը մասնակցեցին Գյումրիի, Ամասիայի, Վանաձորի, Աշոցքի եւ Հրազդանի պատանեկան հավաքականները: | 
