ԸՆԴԴԵՄ ԳԱԶԻ ՍԱԿԱԳՆԻ ԲԱՐՁՐԱՑՄԱՆ Հ. Հ. Այսօրՙ ժամը 10-ին կառավարության շենքի դիմաց տեղի կունենա բողոքի ակցիա ընդդեմ գազի սակագնի բարձրացման: «Հայռուսգազարդ» ընկերությունը դիմել է Հանրային ծառայությունների կարգավորման հանձնաժողովին, որպեսզի գազի գինը բարձրացնի 64 տոկոսով: «Սա նշանակում է, որ դրական պատասխանի դեպքում մեր երկրում ամեն ինչ կթանկանաՙ հաց-հացամթերք, տրանսպորտ, էլեկտրաէներգիա, առաջին անհրաժեշտության ապրանք, սնունդ եւ այլն», հայտարարել են բողոքի ակցիայի նախաձեռնողներըՙ կոչ անելով հասարակությանը համախմբված լինել, դուրս գալ փողոց եւ պաշտպանել իրենց իրավունքները: «Հայ մարդ, արթնացիր ու դուրս արի փողոց», ասված է նրանց հայտարարությունում: «Հայռուսգազարդ» ընկերությունը առաջարկում է գազի գնի մեկ խմ գինը 132 դրամից հասցնել 221 դրամիՙ շուրջ 64 տոկոսով բարձրացնելով գինը: | 
