Տեղադրվել է` 2013-03-05 10:19:46 (GMT +04:00)

Ընթերցված է` 1344, Տպվել է` 71, Ուղարկվել է էլ.փոստով` 63

ՅՈՒՐԱ ՄՈՎՍԻՍՅԱՆԸ «ՍՊԱՐՏԱԿԻ» ՌՄԲԱՐԿՈՒՆ Է

Հայաստանի ազգային հավաքականի հարձակվող Յուրա Մովսիսյանը Մոսկվայի «Սպարտակի» կազմում աչքի է ընկնում իր արդյունավետ խաղով: Իսպանիայում անցկացվող ուսումնամարզական հավաքի ավարտական խաղում «Սպարտակը» 2-0 հաշվով հաղթեց նորվեգական «Մոլդեին»: Այդ հաջողությունում իր ծանրակշիռ խոսքն ասաց հայ ֆուտբոլիստը: Նա արդեն 5-րդ րոպեին հեռահար գեղեցիկ հարվածով բացեց հաշիվը, իսկ 43-րդ րոպեին նրա ձախ եզրով կատարած սլացիկ ճեղքումից ու ճշգրիտ փոխանցումից հետո Արին 2-րդ գոլը խփեց: Թեեւ Մովսիսյանը մասնակցել է «Սպարտակի» ընդամենը 3 ստուգողական հանդիպման, սակայն դարձել է թիմի լավագույն ռմբարկունՙ խփելով 4 գոլ: Հուսանք, որ Յուրան արդյունավետ կգործի նաեւ մարտի 26-ին Երեւանում չեխերի հետ կայանալիք ընտրական մրցախաղում: