Երեկ Րաֆֆի Հովհաննիսյանն իր ներկայացուցիչներ Հովսեփ Խուրշուդյանի, Զարուհի Փոստանջյանի եւ իրավախորհրդատու Կարեն Մեժլումյանի միջոցով դիմեց Սահմանադրական դատարան ոչ թե մեկ, այլ միանգամից երկու պահանջով` նախագահական ընտրությունների վերաբերյալ ԿԸՀ արդյունքներն անվավեր ճանաչելու եւ արձանագրելու ընտրությունների իրական արդյունքները, այն է` վավեր ճանաչելու ժողովրդի հաղթանակը եւ Րաֆֆի Հովհաննիսյանիՙ նախագահ ընտրված լինելու փաստը: Այս ...
Փետրվարի 18-ին նախագահի ընտրությունների քվեարկությանը հաջորդած իրավիճակին է անդրադարձել մարտի 2-ին հրապարակված ԵԱՀԿ ԺՀՄԻԳ-ի հետընտրական միջանկյալ զեկույցը, որի համաձայնՙ դիտարկված փետրվարի 19-26-ը ընկած ժամանակահատվածում նախ փետրվարի 19-ին ԿԸՀ-ն հայտարարել է ընտրությունների նախնական արդյունքները, «համաձայն որոնց գործող նախագահ Սերժ Սարգսյանը վերընտրվել է առաջին փուլում, երկրորդ տեղը զբաղեցրած Րաֆֆի Հովհաննիսյանը բողոքարկել է ...
ՊՐԱՀԱ - Մարտի 2-ին մոտ 200 պրահայաբնակ հայեր էին եկել Հանրապետության հրապարակՙ իրենց բողոքն արտահայտելու եւ դատապարտելու 25 տարի առաջ ադրբեջանական Սումգայիթ քաղաքում հայերի նկատմամբ կատարված ոճրագործությունը: Հանրապետության հրապարակից հիշատակի ու բողոքի երթն անցավ Պրահայի կենտրոնական Ստարոմեստսկա հրապարակովՙ հասնելով մինչեւ Հուսովա փողոց, ուր եւ Սուրբ Յիլիի եկեղեցում հոգեհանգստյան կարգ կատարեց ...
Ատամնաբուժական ծառայություններ մատուցողների համար կատարված հարկային փոփոխություններին մեր թերթում առաջին անգամ («Կայացած երկրում հարկային դրույքաչափը 4 անգամ չեն բարձրացնում», 22 հունվարի, 2013) անդրադարձել ենք, անընդունելի համարելով հարկային դրույքաչափերի նման կտրուկ բարձրացումը, նշելով, որ ատամնաբուժական ծառայությունները շատ կարեւոր են եւ շոշափում են ամբողջ բնակչության շահերը:
Հայաստանի Ազգային Ժողովի նախագահ Հովիկ Աբրահամյանի հրավերով այսօր եռօրյա պաշտոնական այցով Հայաստան է ժամանում Գերմանիայի Դաշնային Հանրապետության Բունդեսթագի նախագահ Նորբերթ Լամմերթի գլխավորած պատվիրակությունը:
Փետրվարի 14-17-ը Իտալիայի Միլան քաղաքում տեղի ունեցավ Միջազգային տուրիզմի հերթական ցուցահանդեսը: Եվ այս տարի, առաջին անգամ, Լեռնային Ղարաբաղի Հանրապետությունը ներկայանում էր Հայաստանից զատՙ ցուցադրելով գրքեր, հոլովակներ, գինի, կոնյակ եւ այլ նյութեր: Լեռնային Ղարաբաղի պատվիրակությունը բաղկացած էր 4 անդամներիցՙ Պատմական միջավայրի պահպանության եւ կառավարության զբոսաշրջության բաժնի տնօրեն Սերգեյ Շահվերդյանի գլխավորությամբ:
ԱԶԳ-ի խմբագրություն Ղարաբաղյան ազգային ազատագրական շարժման քսանհինգամյակի մասին իր վերլուծականն է ներկայցրել գեներալ-մայոր, Արտակարգ դեսպանորդ եւ Լիազոր նախարար, քաղաքական գիտությունների դոկտոր Հայկ Սարգսի Քոթանջյանը: Քսանհինգ տարի առաջ նա, Աֆղանական պատերազմ երկարաժամկետ գործուղումից վերադառնալով եւ լինելով Հայաստանի Կոմկուսի Կենտկոմի անդամ, զբաղվեց Սումգաիթում իրագործված հայկական ջարդերից տուժածների հիմնական մասի տեղավորմամբ եւ կենցաղավորմամբ, ...
Հայաստանի մարդու իրավունքների պաշտպանի ամենամյա զեկույցը կհրապարակվի մարտի 31-ին: Մինչ այդ պաշտպանի գրասենյակը կներկայացնի զեկույցի առանձին հատվածներ, որոնք կներառեն կոնկրետ ոլորտներում առկա լրջագույն հիմնախնդիրները:
Երեւանի քաղաքապետարանի տեղեկատվության եւ հասարակայնության հետ կապերի վարչությունից ստացված տեղեկատվության համաձայնՙ քաղքապետարանում տեղի ունեցած խորհրդակցության ժամանակ տրանսպորտի վարչության պետը զեկուցել է, որ մարտի 1-ից միկրոավտոբուսային երեք երթուղիներ փոխարինվել են ներկրված 36 ավտոբուսներով: Նշվել է նաեւ, որ մասնավոր ընկերությունների կողմից ներկրվել է եւս 80 նոր ավտոբուս, որոնք առաջիկայում կշահագործվեն համապատասխան երթուղիներում:
Փետրվարի 18-ի նախագահական ընտրությունները նոր եւ անակնկալ քաղաքական պատկեր ստեղծեցին Հայաստանում: Հիմնվելով անցյալ տարվա մայիսին կայացած խորհրդարանական ընտրությունների վրա, հարցախույզներից շատերը առանց միջադեպերի, սովորական նախագահական ընտրություններ էին ակնկալում թեկնածուներից առաջին տեղում դասելով գործող նախագահ Սերժ Սարգսյանին:
Մարտի 5-ին կմեկնարկի ՀՀԿ անդամ, սոցիալական ապահովության վարչության նախկին ղեկավար Վազգեն Խաչիկյանի դատավարությունը: Դատավարությունը կնախագահի Մխիթար Պապոյանը, որը նախորդ տարի նախագահում էր Ճանապարհային ոստիկանության նախկին պետ Մարգար Օհանյանի գործով դատավարությունը:
2012-ի նոյեմբերին ծնված Մերի Վարդանյանը ու նրա երկվորյակ քույրը` Մարիամ Վարդանյանը մահացել են փետրվարի 27-ին: Երկվորյակների մահվան դեպքի առթիվ հարուցվել է քրեական գործ եւ ուղարկվել ոստիկանության ՔԳՎ Արմավիրի մարզի քննչական բաժին` կատարելու նախաքննություն: Հիմա կատարվում են մանկական մթերքների փորձաքննությունները, որոնց ավարտից հետո վերջնական արդյունքները կտրամադրվեն իրավապահ մարմիններին: Նյութերի նախապատրաստման ընթացքում ...
Ռուբեն Մարտիրոսյանը երկու տարի առաջՙ փետրվարի 12-ին ԼՂՀ ՊԲ N զորամասում սպանված Թորգոմ Սարուխանյանի իրավահաջորդի ներկայացուցիչն է: «Ազգ» օրաթերթին ուղարկված նամակում նա հավաստիացնում է, որ Թորգոմի սպանության վերաբերյալ հարուցված քրեական գործի նախաքննությունն ուղեկցվել է ակնհայտ կեղծիքով եւ հանցագործություններով, փաստերը նենգափոխվել են եւ դիտավորյալ սպանությունը որակվել է որպես ինքնասպանություն:
Մարտի 4-ին Հայաստանի նկարիչների միությունում բացվեց նկարչուհի Քնարիկ Հովհաննիսյանի 85-ամյակին նվիրված հոբելյանական ցուցահանդեսը: Ներկա էին ճանաչված նկարիչներ, արվեստագետներ, արվեստասերներ:
Օրերես տեղի ունեցավ Հայաստանը Եվրոտեսիլում ներկայացնող երգի ընտրությունը: The truth, No time, Toy planet, Lonely planet երգերից ընտրվեց Lonely planet երգը, որի հեղինակն անգլիական Black Sabbath ռոք խմբի կիթառահար Թոնի Այոման է, իսկ խոսքերի հեղինակը` Վարդան Զադոյանը:
Խմբագրությանը հասցեագրված հաղորդագրությունը տեղեկացնում է, որ «Ինտերլինք» հրատարակչատունը լույս է ընծայել Հակոբ Հաչիկյանի նոր «Մոխրագույն կոստյումով երիտասարդը» (The Young Man in the Gray Suit) խորագրով հատորը, որը շարունակությունն է նրա նախորդՙ միջազգային բեստսելլեր դարձած «Ամառն առանց արշալույսի» (A Summer Without Dawn) վերնագրով բազում լեզուների թարգմանված ավանդավեպի:
Չնայած Սայաթ-Նովայի ծննդյան 300-ամյակին նվիրված մրցույթի պաշտոնական արարողությունները ավարտվել են անցյալ դեկտեմբերի 13-ին Փարիզի շքեղագույն «Սալ Կորտո» համերգային դահլիճում կայացած ելույթներով, մրցույթում երկրորդ տեղ գրաված մեքսիկացի երգահան Թոմաս Բարեյրոյի համար դրանք պարզապես սկիզբն են եղել իր կատարողական արվեստի կարիերայում, տեղեկացնում է ՀԲԸՄ-ի նյույորքյան գրասենյակից ստացված հաղորդագրությունը: 2013-ի դեկտեմբերին նա ելույթ ...
«Զանգակ» հրատարակչությունը նախաձեռնել է գրքի նկարազարդմամբ զբաղվող հայ նկարիչների ստեղծագործությունների կատալոգի հրատարակումը: Կատալոգը ներկայացվելու է մարտի 25-ից 28-ը կայանալիք Բոլոնիայի գրքի միջազգային ցուցահանդեսին:
Ֆուտբոլի Հայաստանի գավաթի քառորդ եզրափակիչի առաջին 4 հանդիպումներից եւ ոչ մեկում մրցակիցներից որեւէ մեկին չհաջողվեց զգալի առավելության հասնել: Այնպես որ կիսաեզրափակիչի ուղեգրերի հարցը կվճռվի պատասխան մրցախաղերում:
Հայաստանի ազգային հավաքականի հարձակվող Յուրա Մովսիսյանը Մոսկվայի «Սպարտակի» կազմում աչքի է ընկնում իր արդյունավետ խաղով: Իսպանիայում անցկացվող ուսումնամարզական հավաքի ավարտական խաղում «Սպարտակը» 2-0 հաշվով հաղթեց նորվեգական «Մոլդեին»: Այդ հաջողությունում իր ծանրակշիռ խոսքն ասաց հայ ֆուտբոլիստը: Նա արդեն 5-րդ րոպեին հեռահար գեղեցիկ հարվածով բացեց հաշիվը, իսկ 43-րդ րոպեին նրա ձախ եզրով ...
Ուզբեկստանի առաջնությունում «Պախտակորի» կազմում նորամուտը գոլով նշեց Ժորա Հովհաննիսյանըՙ 36-րդ րոպեին գրավելով «Նովբախորի» դարպասը: Իսկ մինչ այդ նրա փոխանցումով Իգոր Սերգեեւը բացել էր հաշիվը: «Պախտակորը» խաղը շահեց 2-0 հաշվով:
Ֆրանսիայի Քափել լա Գրանդ քաղաքում ավարտված շախմատի մրցաշարում հայ շախմատիստներից առավել հաջող հանդես եկան Տիգրան Ղարամյանը, Սամվել Տեր-Սահակյանն ու Կարեն Գրիգորյանը, որոնք 9 հնարավորից վաստակեցին 6,5 միավոր:
Դանիայում ավարտվեց հրաձգության Եվրոպայի առաջնությունը: Երիտասարդների տարիքային խմբում վազող թիրախ 10 մ խառը վազք մրցաձեւում բրոնզե մեդալի արժանացած մեր հրաձիգների եռյակը չկարողացավ նույն հաջողությամբ մասնակցել վազող թիրախ նորմալ վազքի մրցումներին: Մեր հավաքականը 1597 միավորով գրավեց 4-րդ տեղըՙ իրենից առաջ թողնելով Ուկրաինայի (1670), Ֆինլանդիայի (1633) եւ Ռուսաստանի (1604) հրաձիգներին:
Իրանի Ռաշտ քաղաքում մեկնարկած շախմատի մրցաշարում 4 տուրից հետո հայ շախմատիստներից լավագույն արդյունքն ունեն Սարգիս Մանուկյանը, Վահե Բաղդասարյանն ու Սիմոն Մկրտչյանը, որոնք վաստակել են 3-ական միավոր:
Միլանում ընթացող գեղասահքի աշխարհի պատանեկան առաջնությունում Սլավիկ Հայրապետյանը հայտնվել էր ազատ ծրագրի եզրափակիչ մրցումների 24 մասնակիցների թվում: Հայ գեղասահորդը 143,48 միավորով զբաղեցրել է 21-րդ տեղը: Չեմպիոնի տիտղոսը 228,31 միավորով նվաճել է ամերիկացի Ջոշուա Ֆարիասը: 2-րդ եւ 3-րդ տեղերը գրավել են նրա հայրենակիցներ Եսոն Բրաունը եւ Շոթարո Օմորին:
