Տեղադրվել է` 2013-03-05 10:19:45 (GMT +04:00)

Ընթերցված է` 2160, Տպվել է` 105, Ուղարկվել է էլ.փոստով` 99

ՀԱՅԱՍՏԱՆ Է ԺԱՄԱՆՈՒՄ ԳԴՀ ԲՈՒՆԴԵՍԹԱԳԻ ՆԱԽԱԳԱՀ ՆՈՐԲԵՐԹ ԼԱՄՄԵՐԹԸ

Հայաստանի Ազգային Ժողովի նախագահ Հովիկ Աբրահամյանի հրավերով այսօր եռօրյա պաշտոնական այցով Հայաստան է ժամանում Գերմանիայի Դաշնային Հանրապետության Բունդեսթագի նախագահ Նորբերթ Լամմերթի գլխավորած պատվիրակությունը:

Բունդեսթագի նախագահը հանդիպումներ կունենա ՀՀ նախագահ Սերժ Սարգսյանի, ՀՀ ԱԺ նախագահ Հովիկ Աբրահամյանի, Գարեգին Բ Ամենայն հայոց կաթողիկոսի, ԱԳ նախարար Էդվարդ Նալբանդյանի հետ:

Բունդեսթագի նախագահը եւ նրա գլխավորած պատվիրակությունը խորհրդարանում հանդիպումներ կունենան նաեւ ԱԺ արտաքին հարաբերությունների ու եվրոպական ինտեգրման հարցերի մշտական հանձնաժողովների, Հայաստան-Գերմանիա պատգամավորական բարեկամական խմբի անդամների հետ:

Նորբերթ Լամմերթը դասախոսությամբ հանդես կգա ԵՊՀ Եվրոպական ուսումնասիրությունների կենտրոնում:

ԳԴՀ Բունդեսթագի ղեկավարն ու պատվիրակության անդամները կայցելեն Ծիծեռնակաբերդի հուշահամալիր, ծաղկեպսակ կդնեն Մեծ եղեռնի զոհերի հուշարձանին:

Ի դեպ, երեկ ԱԺ նախագահ Հովիկ Աբրահամյանը հրավիրել էր խորհրդակցություն, որին մասնակցում էին խորհրդարանում ներկայացված բոլոր խմբակցությունների ներկայացուցիչները:

Խորհրդակցության ընթացքում քննարկվել են հետընտրական գործընթացներին առնչվող հարցեր: