ՈՒՂԵՐՁ 2013 փետրվարի 23-ին կայացավ Հայաստանի պետհիմնարկների, տեղական ինքնակառավարման մարմինների եւ հասարակական սպասարկման աշխատողների արհեստակցական կազմակերպությունների ճյուղային հանրապետական միության 6-րդ համագումարը, որը քաղաքացիաական ծառայողների բազային աշխատավարձի բարձրացման հարցով ուղերձ հղեց Հայաստանի Հանրապետության նախագահ պարոն Ս.Սարգսյանին, Հայաստանի Հանրապետության ազգային ժողովի նախագահ պարոն Հ.Աբրահամյանին, Հայաստանի Հանրապետության վարչապետ պարոն Տ.Սարգսյանին
Մենք` Հայաստանի պետհիմնարկների, ՏԻՄ-երի եւ հասարակական սպասարկման աշխատողների արհեստակցական կազմակերպությունների ճյուղային հանրապետական միության 6-րդ համագումարի պատվիրակներս, մեր ճյուղի 16159 արհմիության անդամների անունից դիմում ենք Ձեզ քաղաքացիական ծառայողների բազային աշխատավարձի բարձրացման հարցով: Համագումարը մտահոգություն է հայտնում, որ ավելի քան 5 տարի է, ինչ քաղաքացիական ծառայողների բազային աշխատավարձի չափը մնում է անփոփոխ եւ փաստորեն չի ապահովվում քաղաքացիական ծառայողի եւ նրա ընտանիքի բավարար կենսամակարդակը, ինչը նախատեսված է Հայաստանի Հանրապետության Սահմանադրության 34 հոդվածով: Խնդիրն առավել սուր է այն քաղաքացիական ծառայողների համար, ովքեր հանդիսանում են ընտանիքի միակ կամ հիմնական աշխատողը: Համաձայն ՀՀ աշխատանքի եւ սոցիալական հարցերի նախարարության "Քաղաքացիական ծառայողների բազային աշխատավարձի մեծության եւ վարձատրության համակարգի վերաբերյալ" 2012 թվականի զեկույցի` նվազագույն սպառողական զամբյուղի արժեքից ցածր աշխատավարձ են ստանում 7462 քաղաքացիական ծառայողների շուրջ 6.4 տոկոսը կամ 470 մարդ: Հայաստանի պետական հիմնարկների, ՏԻՄ-երի եւ հասարակական սպասարկման աշխատողների արհեստակցական կազմակերպությունների ճյուղային հանրապետական միության 6-րդ համագումարը անթույլատրելի է համարում ստեղծված իրավիճակը եւ հույս է հայտնում, որ անհապաղ միջոցներ կձեռնարկվեն քաղաքացիական ծառայողների բազային աշխատավարձը բարձրացնելու ուղղությամբ: Ընդունված է 2013թ. փետրվարի 23-ին Հայաստանի պետհիմնարկների, տեղական ինքնակառավարման մարմինների եւ հասարակական սպասարկման աշխատողների արհեստակցական կազմակերպությունների ճյուղային հանրապետական միության համագումար | 
