ՄԱԹԵՎՈՍՅԱՆՆ ՈՒ ՄԿՐՏՉՅԱՆԸ ՀԵՏԱՊՆԴՈՒՄ ԵՆ ԱՌԱՋԱՏԱՐՆԵՐԻՆ Իրանի Ռաշտ քաղաքում ընթացող շախմատի մրցաշարում կայացան 5-րդ եւ 6-րդ տուրերի հանդիպումները: Հայաստանցի 8 շախմատիստներից լավագույն արդյունքն ունեն Սեդրակ Մաթեւոսյանն ու Սիմոն Մկրտչյանը, որոնք վաստակել են 4,5-ական միավոր: Մաթեւոսյանը հաղթեց Մորթեզ Դարբանին ու Ալի Հուսեյնին, Մկրտչյանը ոչ-ոքի խաղաց Տեջաս Բակրեի հետ եւ պարտության մատնեց Վահե Բաղդասարյանին: 4 միավոր ունի Մանուել Պետրոսյանը, 3,5-ականՙ Սարգիս Մանուկյանն ու Վահե Բաղդասարյանը: Նորայր Թորոսյանը վաստակել է 3 միավոր, Մարիա Գեւորգյանըՙ 2,5, Արմինե Բաբայանըՙ 2: 6 տուրից հետո 5-ական միավորով աղյուսակը գլխավորում են ռուսաստանցի Սերգեյ Վոլկովը, ադրբեջանցի Միսրադին Իսկանդարովը, վրացի Բացանա Մորցիաշվիլին եւ իրանցիներ Հոմայուն Թուֆիգին ու Համեդ Մուսավիանը: | 
