ՉԵԽԵՐԵՆ ԼՈՒՅՍ Է ՏԵՍԵԼ ՄԻՔԱՅԵԼ (ՄԱՅՔԼ) ԲՈԲԵԼՅԱՆԻ «ՀԱՅԱՍՏԱՆԻ ԵՐԵԽԱՆԵՐԸ» ԳԻՐՔԸՙ ՆՎԻՐՎԱԾ ՀԱՅՈՑ ՑԵՂԱՍՊԱՆՈՒԹՅԱՆԸ ՀԱԿՈԲ ԱՍԱՏՐՅԱՆ, Պրահա Պրահա - Չեխիայի «Պասեկա» հրատարակչությունը լույս է ընծայել ամերիկահայ գրող Միքայել (Մայքլ) Բոբելյանի «Հայաստանի երեխաները» գիրքըՙ «Մոռացված ցեղասպանություն կամ հարյուրամյա պայքար արդարության համար» վերտառությամբ գիրքը: Հրատարակչությունը նշում է, որ 1915-1923 թթ. Օսմանյան կայսրությունում միլիոնավոր հայեր սպանվել կամ քշվել են անապատները: Դեռեւս ԱՄՆ նախկին նախագահ Վուդրո Վիլսոնը, որ անցյալ դարի քսանական թվականներին համաշխարհային շարժում էր սկսել, որպեսզի ցեղասպանության հանցագործությունը պատժվի, այդպես էլ որեւէ արդյունքի չհասավ: Հեղինակն ուսումնասիրել է ցեղասպանության ճանաչման գործընթացը, եւ բարձրացրել մի շարք մտահոգիչ հարցեր: Մասնավորապես թե ինչո՞ւ մինչեւ հիմա չի ճանաչվել Հայոց ցեղասպանությունը, ի՞նչ դեր է ունեցել այս հարցում ԱՄՆ-ը, կամ նրա շահերը, Թուրքիան որքանո՞վ է պատրաստ պատմական ճշմարտությունը նեկայացնելուն: Ինչպե՞ս է ձեւավորվել Հայաստանի անկախ հանրապետությունը, ի՞նչ աշխատանքներ են կատարվում Հայոց ցեղասպանության միջազգային ճանաչման ուղղությամբ: Շատ փաստեր հեղինակը ներկայացնում է առաջին անգամ: Գիրքն ունի 320 էջ եւ վաճառվում է paseka.cz կայքէջի միջոցով: Գրքի տպաքանակը սահմանափակ է: Տպագրությանն աջակցել է նաեւ Հայաստանի մշակույթի նախարարությունը: | 
