ՎԻՎԱՍԵԼ-ՄՏՍ-Ը ՀԱՅՏԱՐԱՐՈՒՄ Է ՖԻՐՄԱՅԻՆ ԱՆՎԱՆՄԱՆ ՓՈՓՈԽՈՒԹՅԱՆ ՄԱՍԻՆ Հայաստանում հեռահաղորդակցության առաջատար օպերատոր ՎիվաՍել-ՄՏՍ-ը հայտարարում է իր ֆիրմային անվանումը «Ղ-Տելեկոմ» ՓԲԸ-ից «ՄՏՍ Հայաստան» ՓԲԸ-ի փոխելու մասին: Ընկերության ապրանքային նշանըՙ «ՎիվաՍել-ՄՏՍ»-ը, չի փոփոխվել: «Երբ 2007թ. ՎիվաՍելը միացավ ՄՏՍ խմբին, ընկերությունն արդեն իսկ հանդիսանում էր Հայաստանում հեռահաղորդակցության առաջատար օպերատորը եւ ապահովում էր հեռահաղորդակցության նորարարական ծառայությունների լայն շրջանակՙ մատչելի եւ մրցակցային սակագներով: Տարիների ընթացքում, արդեն «ՄՏՍ» խմբի կազմում, ընկերությունը փոխառեց խմբի լավագույն փորձը եւ օգտագործեց այնՙ ամենաժամանակակից ապրանքատեսակներն ու ծառայություններն իր բաժանորդներին առավել հասանելի դարձնելու համար: Ընկերության ֆիրմային անվանման մեջ «ՄՏՍ» անվանման օգտագործումը հերթական տրամաբանական քայլն էՙ «ՄՏՍ» խմբին ՎիվաՍել-ՄՏՍ-ի ինտեգրման գործընթացի համատեքստում»,- նշել է ընկերության գլխավոր տնօրեն Ռալֆ Յիրիկյանը: Հայաստանում հեռահաղորդակցության առաջատար օպերատոր ՎիվաՍել-ՄՏՍ-ը «ՄՏՍ» ՀԲԸ կազմում ներառվել է 2007 թվականին: «ՄՏՍ»-ը Ռուսաստանում եւ ԱՊՀ երկրներում հեռահաղորդակցության ծառայությունների լայն շրջանակ տրամադրող առաջատար օպերատորն է: «ՄՏՍ»-ում ընդգրկվելուց հետո խմբի կոմերցիոն գործիքներն ու տեխնիկական փորձառությունը օգտագոծելովՙ ՎիվաՍել-ՄՏՍ-ն էլ ավելի ամրապնդեց նոր ցանցերի եւ ծառայությունների ներդրման, ինչպես նաեւ գործառնությունների որակի եւ արդյունավետության բարձրացման ոլորտում իր մրցակցային առավելությունը: | 
