ՄԱՍՆԱՎՈՐԵՑՄԱՆ ՑԱՆԿՈՒՄ «ՀԱՅՓՈՍՏԸ», «ՀԱՅՖԻԼՄԸ», «ԸՆԴՈՒՆԵԼՈՒԹՅՈՒՆՆԵՐԻ ՏՈՒՆԸ» ԵՎ ԱՅԼ ՀԱՅՏՆԻ ԿԱԶՄԱԿԵՐՊՈՒԹՅՈՒՆՆԵՐ Ա. Մ. «Պետական գույքի մասնավորեցման 2017-2020 թվականների ծրագրի մասին» երեկ կառավարության հավանությանն արժանացած օրենքի նախագծի համաձայն, մասնավորեցման ծրագրում կընդգրկվեն ընդհանուր առմամբ 47 ընկերություններ, որոնց վաճառքից ակնկալվում է ստանալ 35-36 մլրդ դրամ: Ինչ վերաբերում է մասնավորեցվող օբյեկտներին, ապա նրանց մեջ կան հայտնի կազմակերպություններ, այդ թվումՙ «Ագրոսպասարկում» ՓԲԸ-ն, «Հայփոստ» ՓԲԸ-ն, «Հայավտոկայարան» ՓԲԸ-ն, «Կուրորտաբանության եւ ֆիզիկական բժշկության ԳՀԻ» ՓԲԸ-ն, «Համո Բեկնազարյանի անվան «Հայֆիլմ» կինոստուդիա» ՓԲԸ-ն, «Ավտոմատիկա» ՓԲԸ -ի պետական սեփականություն հանդիսացող բաժնեմասը, «Ընդունելությունների տուն» ՓԲԸ-ն, «Հրազդանի մարզահամալիր» ՓԲԸ-ն, «Ձիասպորտի կենտրոն» ՓԲԸ-ն, «Երեւանի ոսկերչական գործարան» ԲԲԸ-ի պետական սեփականություն հանդիսացող բաժնեմասը, «Բյուրեղ» հանքային ջրերի գործարան» ԲԲԸ-ի պետական սեփականություն հանդիսացող բաժնեմասը, «Դվին կոնցեռն» ՓԲԸ-ի պետական սեփականություն հանդիսացող բաժնեմասը, «Արաքս» ՓԲԸ-ի պետական սեփականություն հանդիսացող բաժնեմասը, «Երվերելակ» ՓԲԸ-ն, «Ֆանարջյանի անվան ուռուցքաբանության ազգային կենտրոնը», «Վնասվածքաբանության եւ օրթոպեդիայի գիտական կենտրոնը», «Ճառագայթային բժշկության եւ այրվածքների գիտական կենտրոնը», «Արտակարգ իրավիճակների օդանավակայան» ՓԲԸ-ն (Ստեփանավան), «Ծաղկաձորի գլխավոր մարզահամալիր» ՓԲԸ-ն: |
