ԱՐԱՄ ՀԱՐՈՒԹՅՈՒՆՅԱՆՆ ԱՅՍՕՐՎԱՆԻՑ 24 ԺԱՄՈՎ ՀԱՑԱԴՈՒԼ ԿՀԱՅՏԱՐԱՐԻ Հ. Հ. «Ազգային համաձայնություն» կուսակցության առաջնորդ, նախագահի թեկնածու Արամ Հարությունյանը այսօրՙ ժամը 5-ին Կենտրոնական ընտրական հանձնաժողովի դիմաց 24-ժամյա հացադուլ կհայտարարիՙ նախագահի մյուս թեկնածուներին կոչելով փետրվարի 8-ին հանել իրենց թեկնածություններն ու գործող նախագահ, նախագահի թեկնածու Սերժ Սարգսյանին մենակ թողնել ընտրություններին: «Ազգ» օրաթերթի հետ հեռախոսազրույցում նախագահի թեկնածուն ասաց. «Այստեղ կարեւորը հացադուլը չէ, քանի որ տեսնում ենքՙ Անդրիաս Ղուկասյանն արդեն 16 օր հացադուլ է անում եւ ոչ մի արդյունք: Ուղղակի այդ կերպ ես ցանկանում եմ նախագահի մյուս թեկնածուների ուշադրությունը հրավիրել խնդրին: Ես այսօրվանից նրանց կսպասեմ ԿԸՀ-ի դիմաց, որպեսզի փետրվարի 8-ին թեկնածությունը միասնական հանելու դիմումներ ներկայացնենք ԿԸՀ-ին», ասաց Հարությունյանը: | 
